ئیسرائیلێ چەکدارێن حزبوللا ل سینۆرێ سووریێ بۆردۆمان کرن

چاڤکانیێن مەدیایی یێن سووریێ ئیرۆ رۆژا چارشەمی 15/4/2020ان راگھاندن، کاروانەک کو یێ چەکدارێن حزبوللا یا لبنانی بوو ل باژارێ «جدیدە یابووس» ل ناڤچەیا سینۆری یا لبنانێ کەتە ژێر ئێریشا مۆشەکی.

نه‌رینگه‌ها سووری یا مافێن مرۆڤان د داخویانیەکێ دە راگھاند، بالەفرەکە بێ پیلۆتا ئیسرائیلێ ئەرەبەیەکە زرخ کری یا حزبوللا ل سینۆرێ باژارێ دیمەشقێ، ل نێزی سینۆرێ سووریێ و لبنانێ، ئارمانج کرییە.

نه‌رینگه‌ها سووری یا مافێن مرۆڤان ب تەکەز کرن ل سەر ڤێ یەکێ کو ئەرەبەیا ھاتییە ئارمانج کرن ب دو مۆشەکان یا چەکدارێن سەر ب ملیسێن حزبوللا یا لبنانی بوویە، ئەڤ یەک ژی زێدە کر کو ھەیا نھا ت ئاگاھییەک ل سەر کەسێن د ناڤا ئەرەبەیێ دە بەر دەست نینە.

لێ به‌لێ تۆرا مەدیایی یا «ئه‌ره‌بییه‌ و حه‌ده‌س” ئەشکەرە کرنە، چەکدارێن د ناڤا ئەرەبەیێ دە بەرا کو ئەڤ ئەرەبە بھێتە ئارمانج کرن ژ ئەرەبەیێ دەرکەتنە و رەڤیانە.

 ڤان کانالێن تەلەفزیۆنی ھەر وھا راگھاند کو مەبەست ژ مۆشەک باران کرنا ڤی کاروانێ چەکدارێن حزبوللا د راستی دە کوشتنا فەرماندارێن پلە بلندێن وێ حزبێ بوویە.