ئارته‌شا تركیێ هێز شاندنه‌ سووریێ

ئارته‌شا تركیێ

ئارته‌شا ده‌وله‌تا تركیێ ئیرۆ كاروانه‌كه‌ دن یێ له‌شكری شانده‌ باكورێ سووریێ، ژ بۆ كو ل سینۆرێ ئیدلبێ وه‌ره‌ بجی كرن.

نه‌رینگه‌ها سووری یا مافێن مرۆڤان، ئیرۆ رۆژا شه‌می 18/4/2020ێ ئه‌شكه‌ره‌ كر، ئارته‌شا تركیێ، كاروانه‌كه‌ دن یێ له‌شكران شانده‌ ناڤچه‌یا ب ناڤێ «پۆتین – ئه‌ردۆگان» ل سینۆرێ ئیدلبی ل باكورێ سووریێ كو ژ هه‌ژماره‌كه‌ ئه‌ره‌به‌یێن له‌شكری و پێویستیێن لۆجستی پێكهاتی بوون.

نه‌رینگه‌ها سووریێ دبێژه‌: «ژ ده‌ست پێ كرنا ئاگربه‌ستا ئیدلبێ و هه‌یا نها، پێتر ژ 2680 ئه‌ره‌به‌ و زریپۆشێن ئارته‌شا تركیێ، ده‌ربازی باكورێ سووریێ بوونه‌، هه‌روه‌ها پێتری 10 هه‌زار له‌شكران».

ئاگربه‌ستا ئیدلبێ ل مه‌ها شوباتا رابووری ل ناڤبه‌را تركیێ و سووریێ ب گارانتییا رووسیا فه‌ده‌رال چێبوویه‌.