دۆنالد ترامپ سەرۆکێ ئامەریکایێ، ب بیرئانینا دەستکەفتیێن خوە یێن مەزن د گەل چینێ و دانانا گۆمرکێن چەندین ملیار دۆلاری ل سەر ڤی ولاتی د بەرژەوەندیا ئامەریکایێ دە، هشداری دا کو گەر د هلبژارتنێن بهێت دە جۆ بایدن سەرکەڤە و ببە سەرۆکێ ئامەریکایێ، وێ بەرژەوەندیێن ئامه‌ریکایێ کەڤن خەتەرەیێ و ئیران و چین وێ ل سەر ئامەریکایێ زال ببن.
ترامپ د کۆنفەرانسا مەدیایی رۆژانە دا ل سەر داوی پێشهاتێن گرێدایی ب ڤیرۆسا کۆرۆنایێ راگهاند کو خوە ڤەکشاندن ژ لهەڤهاتنا ئەتۆمی یا دگەل ئیرانێ ب ڤێ سەدەمێ بوو کو ئەو لهەڤهاتنەک پڕ خراب بوو.
ترامپ راگهاند: «ئیرانییان د خوەست دگەل مە دانوستاندنێ بکن و مە لهەڤهاتنەک ئیمزە کربا، لێ بەلێ ب مداخەلەیا جان کێری وەزیرێ بەرێ یێ کارێن دەرڤە ل سەر دەما سەرۆکتییا باراک ئۆباما دە، بوو سەدەما ل رێ دەرکرنا پرۆسەیا گۆتوبێژان.
سەرۆک کۆمارێ ئامەریکایێ دۆنالد ترامپ هەر وەها تەکەز کر: «جان کێری، خوەدی ئەحمەقانەترین لهەڤهاتنا ئەتۆمی یە، 150 ملیار دۆلار کاش دان هکوومەتا ئیرانێ، ئەڤ پەرە ب قاسی 10 ژوورێن وەکە ڤێ ژوورێ یە».
هەر وەها ترامپ جان کێری ب بن پێکرنا یاسایا لۆگان سووچبار کر کو ل گۆرەی ڤێ یاسایێ، نابە دانوستاندنێن فەرمی دگەل رایەدارێن وان ولاتان وەرە کرن یێن کو ت پەیوەندیەکە دیبلۆماسی دگەل ئامەریکایێ نینە.
سەرۆکێ ئامەریکایێ ئەڤ یەک ژی راگهاند کو جان کێری، ئەڤ یاسایە بن پێ کر ژ بەر کو ئەو د ترسییا کو ب ئیمزە کرنا لهەڤهاتنەکە باشتر بکەڤە تەنگاسیێ، ژ بەر ڤێ یەکێ وی ئیرانی هاندا هەیا هلبژارتنێن داهاتی چاڤەرێ بکن، ب ڤێ هێڤیێ کو جۆ بایدنێ «خەو خوەش» تێدە سەربکەڤە و ببە سەرۆکێ ئامەریکایێ.
