ته‌قینه‌كێ 5 چه‌كدارێن حه‌شدا شه‌عبی ل مووسلێ كوشتن

ته‌قینه‌كێ 5 چه‌كدارێن حه‌شدا شه‌عبی ل مووسلێ كوشتن

ب سه‌ده‌ما ته‌قینه‌كێ كو ئیرۆ ئه‌ره‌به‌یێن حه‌شدا شه‌عبی ل سینۆرێ پارێزگه‌هییا مووسلێ ئارمانج كرنه‌، 5 چه‌كدارێن حه‌شدێ هاتن كوشتن.

ئیرۆ رۆژا سێشه‌می 21/4/2020ێ، ته‌قینه‌ك ل ناڤچه‌یا ب ناڤێ «له‌زاگه»‌ یا باشوورێ مووسلێ چێبوو، وه‌ختا ئه‌ره‌بیێن فه‌وجا 36 یا حه‌شدا شه‌عبی ئارمانج كری و ب وێ سه‌ده‌مێ 5 چه‌كدارێن حه‌شدێ هاتنه‌ كوشتن.

شانه‌یا راگهاندنا ئه‌منی یا ئارته‌شا ئیراقێ، ل ڤێ ده‌ربارێ دا داخویانی دا و ئه‌شكه‌ره‌ كر كو 3 چه‌كدارێن حه‌شدا شه‌عبی د ته‌قینێ ده‌ هاتنه‌ كوشتن و 2 بریندار كه‌تنه‌.

هه‌روه‌ها زه‌لال نه‌كرییه‌ كانێ ئه‌ڤ ته‌قین كێ پێكئانیه‌ و چ هێزه‌ك ل پشت ڤێ كریارێ یه‌ و ته‌نێ گۆتییه‌ كو ئه‌ڤ كار ته‌رۆریستی یه‌.