قەدەخەیا دەرکەتنێ ل رۆژئاڤا کوردستانێ ھات درێژ کرن

قەدەخەیا دەرکەتنێ ل رۆژئاڤا کوردستانێ ھات درێژکرن

رێڤەبەریا خوەسەرا رۆژئاڤایێ کوردستانێ دەما قەدەخەیا دەرکەتنا دەرڤە یا ژ بەر کۆرۆنایێ ھەتا 1ی گولانێ ئانکو بۆ دەما 10 رۆژێن دن درێژ کر.

رێڤەبریا خوەسەر راگھاند، ژ بەر خەتەرا بەلاڤبوونا ڤیرۆسا کۆرۆنا وان 10 رۆژێن دن قەدەخە درێژ کرن،قەدەخا دەرکەتنێ، سبە رۆژا چارشەمی 22ی نیسانێ، دەست پێ دکە و ھەیا 1ێ گولانێ درێژ دکە.

بریارێن دەربارێ قەدەخەیێ دە وھانە:

1- تەڤاھییا دەرمانخانەیێن (مرۆڤی، چاندنی، بەیته‌ری)، دکانێن فرۆتنا سەبزە و فێکیان، دکانێن فرۆتنا گۆشت و شێرانی، تەڤاھیا بەستا و فرۆشکارێن گەرۆک دکارن د دەما قەدەخەیا دەرکەتنا دەرڤە دە کار بکن.

2-دکانێن مادەیێن خوارنێ د دەما قەدەخەیا دەرکەتنا دەرڤە دکارن بێن ڤەکرن.

3-دکانێن سەرفکرنا پەرە و ھەوالە د رۆژێن ئینی و شەمیێ دە تێن ڤەکرن.

4- وارێن ئاڤاھیسازی، وەرشەیێن فرۆتنا مادەیێن ئاڤاکرنێ و تەڤاھیا دکانێن ھەرێمێن پیشەیی دکارن د درێژاھیا دەما قەدەخەیا دەرکەتنا دەرڤە دە کار بکن.

5- تەڤگەرا برایێن جۆتکاران و کارکەران تێ ھێسانکرن ب شەرتا کو ھەژمارا کارکەران د ئەرەبەیەکێ دە 10 کەسان دەرباس نەکە.

6 -ئەرەبەیێن ڤەگوھەستنا مادەیێن خوارنێ، پاقژی، دەرمان، شیرێ زارۆکان، پێدڤیێن تەندورستیێ و دەزەنفەکتەکرن و سۆتەمەنی دکارن د ناڤبەرا رێڤەبەریان دە و  د ھەر رێڤەبەریەکێ دە تەڤ بگەرن.

7-خوەدیێن کارێن تەڤاھیا واران دکارن بخەبتن، لێ ب شەرتا کو رێبازێن خوەپاراستنا کەسایەتی بکار بینن، ماسک و لەپکان ل خوە بکن، ھەر وھا ژ کۆمبوونا دوور بکەڤن.

8-ئەڤ بریار ژ ھەر کەسێ کو پێک تینە تێ ئاگاھدارکرن.