ل ئسپانیایێ یەک ژ مەزنە بەرپرسێن داعشێ تێ دەستەسەرکرن

ل ئسپانیایێ یەک ژ مەزنە بەرپرسێن داعشێ تێ دەستەسەرکرن

پۆلیسێن نەتەوی یێن ئسپانیایێ د راگهاندنەکێ دە ئەشکەرە کر یەک ژ گرنگترین سەرکردەیێن گرۆپا تەرۆریستی یا داعشێ ل باژارێ ئەلمیریا، ل باشوورێ رۆژهلاتێ ئسپانیایێ، هات دەستەسەرکرن.

رۆژنامەیا ئیدەئال، یا کو ل باژارێ ئالمیریایێ وەشانێ دکە ئیدیئا کر کەسێ هاتیە دەستەسەرکرن راپەرێ بریتانی-مسری یێ ب ناڤێ عبدالماجد عبدالباری یێ ب کۆد ناڤێ «جان جەهادی»یە.

ل گۆرەی داخوەیانیا هێزێن ئیستیخباراتی یێن ئەورۆپایێ، جان جیهادی، پیتر ژ 200 کەسان ژ وان جیمز فۆلی، نووجەگهانێ بەرنیاس یێ ئامەریکایێ کوشتینە. ڤیدیۆیا سەربرینا جیمز فۆلی ل سالا 2014ان دە جیهان خستە ناڤا شۆکەک مەزن دە.

ل گۆرەی چاپەمەنیێن لۆکالی یێن ئسپانیایێ، جان جیهادی، ل سالا 2015ان سووریێ ب جی هشتیە و جوویە ترکیێ پاشان دەربازی ئیسپانیایێ بوویە و ل ور ب ناڤەک سەختە ژیان کریە.

عبدالمجید عبدالباری کورێ مەزن یێ عادل عبدالباری یێ مسری یە، باڤێ وی ئەندامێ بەرێ یێ گرۆپا تەرۆریستی یا قاعیدێ و تومەتبارێ سەرەکە یێ دانانا بۆمبەیان د ناڤا سەفارەتا ئامەریکایێ ل کینیایێ و تانزانیایێ یە ل سالا 1998ان. د ڤێ بۆمبە دانینێ دە 224 کەس هاتن کوشتن د سەدان کەس ژی بریندار بوون. عادل عەبدالباری پاش دادگەه کرنێ ل بەریتانیایێ ل سالا 1999ان تێ ڤەگوهاستن ژ بۆ ئامەریکایێ و نها د زیندانێن ئەمەریکایێ دە ژیان دکە.