ترامپ فەرمانا لێخستنا بەلەمێن سپایێ پاسداران دەرکر

ترامپ فەرمانا لێخستنا بەلەمێن سپایێ پاسداران دەرکر

دەمەک کێم پێش نها دۆنالد ترامپ سەرۆک کۆمارێ ئامەریکایێ، ب نڤیسینا توویتەکێ، دیار کر کو وی فەرمان ل هێزێن دەریایی یێن ئەمەریکایێ کرینە بەلەمێن سپایێ پاسداران بکەنە ئامانج.

ترامپ د تویتا خوە دە نڤیساندییە: «من فەرمان دایە هیزێن دەریایی یێن ئامەریکایێ کو بەلەمێن ئیرانێ کو سەرئێشەیێ ژ بۆ کەشتیێن ئامەریکایێ دروست دکن، بکن ئامانج و وان ژناڤ ببن».

ئەڤ فەرمانا سەرۆکێ ئامەریکایێ پشتی ڤێ یەکێ تێ کو بۆ دەما چەندین رۆژانە بەلەمێن سپایێ پاسدارێن ئیرانێ د ناڤا ئاڤێن کەنداڤێ و دەریایا عومانێ، ب لەزگینی ل دوور کەشتیێن ئامەریکایێ دزڤرین و ژ ئالیێ ئامەریکایێ ڤە هەرتم هۆشداری ب وان تێ دایین کو ژ کەشتیێن ئامەریکایێ دوور بکەڤن.

بەلەمێن سپایێ پاسدارێن ئیرانێ ئەڤ دەمەکە ب کارێ ئیستیفزاز کرنا هێزێن دەریایی یێن ئامەریکایێ رادبن و گەفان ل وان هیزان دخوەن.