داعشێ 9 پۆلیسێن فه‌ده‌رال كوشتن

داعشێ 9 پۆلیسێن فه‌ده‌رال كوشتن

د ته‌قینه‌كێ ده‌ كو ئیرۆ ل پارێزگه‌هییا دیالایێ چێبوویه‌، 9 پۆلیسێن فه‌ده‌رال هاتن كوشتن و بریندار كرن، وه‌ختا كو بۆمبه‌كه‌ داعشێ د رێیا وان ده‌ ته‌قیایی.

ئیرۆ رۆژا چارشه‌می 22/4/2020ێ، بۆمبه‌كه‌ چاندی كو ژ ئالیێ ته‌رۆریستێن داعشێ ڤه‌ هاتبوو دانان، ل ناڤچه‌یا ب ناڤێ «نارین» یا گرێدای ده‌ڤه‌را خانه‌قینێ ل باكورێ پارێزگه‌ها دیالایێ ته‌قیا و ب وێ سه‌ده‌مێ 9 پۆلیسێن ده‌وله‌تا ئیراقێ كو ب ناڤێ پۆلیسێن فه‌ده‌رال تێن ناس كرن، هاتن كوشتن و بریندار كرن.

ل ڤێ ده‌ربارێ ده‌ وه‌زاره‌تا كارێن ناڤخوه‌ یا ئیراقێ ده‌ست نیشان كر كو 2 پۆلیسان جانێ خوه‌ ووندا كرییه‌ و 7 ێن دن بریندار كه‌تنه‌.

هه‌وره‌ها ئه‌شكه‌ره‌ كر كو ئه‌ڤ بۆمب ته‌قیا وه‌ختا كو ئه‌ره‌به‌یا پۆلیسێن فه‌ده‌رال د ئه‌ركا ته‌عقیبا جیێن ڤه‌شارتی یێن داعشێ ده‌ بوون.

ل گۆر پێزانینێن وه‌زاره‌تا به‌رگرییا ئیراقێ، ژ مه‌ها كانوونا دووه‌م یا ئیسالێ و د چالاكیێن لێگه‌رینێ ل ته‌رۆریستان ده‌، پێتر ژ 170 كه‌سێن سڤیل و سه‌ربازان جانێ خوه‌ ووندا كرییه‌، هه‌موه‌خت 135 ته‌رۆریست هاتنه‌ كوشتن.