خەبەرێن هەڤدژ ل سەر یەکەم هەیڤا دەستکر ئا ئیرانێ شاندیە ڤالاهییا ئاسیمانی
سەرێ سبێ یا ئیرۆ رۆژا چارشەمی 22/4/2020ان، مەدیایێن ئیرانێ راگهاند کو یەکەمین هەیڤا دەستکر یا ئیرانێ ژ ئالیێ سوپایێ پاسداران ڤە بەرەڤ ڤالاهیا ئاسیمانی هات شاندن. هەیڤا دەستکر یا ب ناڤێ نوور وەکە یەک ژ هەیڤێن دستکر یێن تایبەت و ستەراتەژی ب دو قۆناغان ل بیابانا ناڤەندی یا ئیرانێ هاتە شاندن ژ بۆ ڤالاهیا ئاسیمانی .
هەیا نها ب ئاوایەک فەرمی ت زانیاریەک ل سەر ڤێ هەیڤا دەستکر و شیانێن وێ یێن تەکنەلۆژی ژ ئالیێ رایەدارێن ئیرانێ ڤە نەهاتینە پارڤەکرن، ب تەنێ ئەڤ یەک نەبە کو فەرماندارەکی سوپای پاسدارێن ئیرانی خەبەر ژ شاندنا ڤێ هەیڤا دەستکر دایە.
ژئالیەکە دن ل هنەک دەزگەهێن مەدیایی دە ب تایبەتی د سۆسیال مەدیایێ دە هنەک ڤیدیۆ هاتینە پارڤەکرن کو خەبەر ژ نە سەرکەفتنا هلدانا ڤێ هەیڤا دەستکر ژ ئالیێ سوپایێ پاسدارێن ئیرانێ ڤە ددن.
د ڤیدیۆ یا کو ل سۆسیال مەدیایێ دە هاتیە وەشاندن دیار دبە کو ئەو هەیڤا دەستکر یاکو ئیران دبێژە مە شاندیە ڤالاهیا ئاسیمانی سەرکەفتن نەئانیە و ل بیابانا بەلۆچستانێ کەتیە ئەردێ.
کانالی فاکس نیۆزێ ئامەریکی ژی ب پشت بەستن ل سەر هنەک چاڤکانیێن تایبەت د ناڤا دەزگایێ ئیستیخباراتی یێ ئامەریکایێ دە راگهاند، ت هەیڤەکە دەستکرد ئا نوو د سینۆرێ ئاسیمانی دە نەهاتیە دیتن و ئەو هەیڤا ئیرانێ باس لی دکە نەکاریە بکەڤە ڤالاهیا ئاسیمانی و هەر زوو کەتیە ئەردێ.
