هه‌یڤێن ده‌ستكرد جیێ كێم جونگی ئه‌شكه‌ره‌ كر

هه‌یڤێن ده‌ستكرد جیێ كێم جونگی ئه‌شكه‌ره‌ كر

هنه‌ك وێنه‌یێن نوو كو ب هه‌یڤێن ده‌ستكرد هاتنه‌ گرتن، جیێ كێم جۆنگ ئۆن یێ سه‌رۆكێ كۆریا باكور ئه‌شكه‌ره‌ كرن و ته‌سبیت بوو كو كیم ل به‌راڤێن وونسانی د ڤێلایێن خوه‌ ده‌ ئاكنجی یه‌.

ل ڤێ داویێ ره‌وشا ته‌ندروستییا سه‌رۆكێ كۆریا باكور ببوو رۆژه‌ڤا مه‌دیایا جیهانێ و ت پێزانین ل ده‌ربارا جیێ وی و سه‌ده‌مێن ووندا بوونا وی یا ژ نشكه‌كێ ڤه‌ نه‌بوون، لێ به‌لێ هنه‌ك وێنه‌یێن نوو كو ب هه‌یڤێن ده‌ستكرد هاتنه‌ گرتن، جیێ كێم جۆنگ ئه‌شكه‌ره‌ كرنه‌ و ته‌سبیت بوو كو ئه‌و چوویه‌ هاڤینگه‌ها خوه‌ یا تایبه‌ت ل به‌راڤێن وونسانێ.

ل گۆر وان وێنه‌یان كو ئاژانسا رۆیته‌رزێ وه‌شاندنه‌، هه‌ژماره‌كه‌ یه‌ختێن پر بها ل به‌راڤێن وونسانێ ل نێزی هاڤینگه‌ها تایبه‌تا كێم جۆنگ ئۆن، هاتنه‌ دیتن و ئه‌ڤ یه‌ك وه‌كه‌ به‌لگه‌ ل سه‌ر هه‌بوونا كیم ل وێ ده‌رێ تێ حه‌ساب كرن.

هه‌ر ل ڤێ ده‌ربارێ ده‌، پێگه‌ها نۆرس 38 یا تایبه‌ت ب شۆپاندنا كۆریایا باكور ئه‌شكه‌ره‌ كر كو ترێنا كێم جۆنگ ل وه‌ستگه‌هه‌كه‌ نێزی ناڤچه‌یا وونسانێ راوه‌ستایه‌ و ئه‌ڤ ژی به‌له‌گه‌یه‌كه‌ دنه‌ كو دبه‌ سه‌رۆكێ كۆریایێ نها ل وێ ده‌رێ ده‌ما خوه‌ ب سه‌ر دبه‌.

به‌رپرسێن كۆریایا باشوور د شۆپاندنا ڤێ مژارێ ده‌ گۆتنه‌: چوونا كێم جۆنگی ژ بۆ ناڤچه‌یا وونسانێ لۆژیك و به‌رئاقله‌ و ده‌ست نیشان كرنه‌ كو ژ به‌ر ڤایرۆسا كۆرۆنایێ كێم ل وێ ده‌رێ خوه‌ كه‌ره‌نتین كریه‌.

ل 11 ڤێ مه‌هێ داوی جار بوو سه‌رۆكێ كۆریا باكور ده‌ركه‌تی، وه‌ختا كو سه‌رۆكتیا جڤینه‌كێ كری، لێ به‌لێ ژ وێ ده‌مێ ت ده‌ركه‌تنه‌كا وی یا مه‌دیایی نه‌بوویه‌، له‌وما ده‌نگۆیێن مرنا وی ل جیهانێ به‌لاڤه‌بوون.