ئیخوان موسلمین 3 پێسنیازان ل سەر ئاستا فەلەستین، ولاتێن ئەرەبی و ولاتێن ناڤدەولەتی بەرچاڤ دکە، ب ئارمانجا روو ب روو بوونا ئسرائیلێ، گەر ئەڤ ولات زیانێ ب کەنارێ رۆژئاڤا بگەهینە.
تەلعەت فەهمی به‌رده‌ڤكێ ئیخوان موسلمین، ل سەر ڤێ یەکێ بەیاننامەیەک بەلاڤ کر و تێدە راگهاند: «پلانا پێکڤەگرێدانا کەنارا رۆژئاڤا یان ژی بەشەک ژ وێ ب خاکا ئسرائیلێ ڤە، وەکە ئێریشەکێ یه ژ بۆ سەر خاکا فەلەستینا داگیر کری و مافێن گەلێ فەلەستینێ ب پشتەڤانییا ئامەریکایێ میزە دکین».
د ڤێ بەیاننامێ دە تەلعەت فەهمی، 3 پێشنیاز ژ بۆ روو ب روو بوونا ڤێ بریارا ئسرائیلێ بەرچاڤ کرنە، ژ ڤان پێشنیازان وەکە پێک ئانینا ئاشتەڤائیا فەلەستینیان، گاڤێن جددی یێن دەولەتێن ئەرەبی ژ بۆ قوت کرنا پەیوەندیێن خوە د گەل ئسرائیلێ، هەر وەها پالپشتی کرنا نەتەوەیێن یەک بوویی ژ بریارا ناڤدەولەتی کو زیان گهاندن ب خاکا فەلەستینێ ب تاوان هەژمار دکە.
هەروەها د ڤێ بەیانێ دە ئیخوان موسلمین تەکەز کر ئەو هەر جورە کارەکی رەد دکن کو ژ ئالیێ ئسرائیلێ ڤە بێ ئەنجامدان ژ بۆ زرار گهاندنێ ب کەنارێن رۆژئاڤا.
تێ چاڤەرێکرن کو سبە رۆژا پێنجشەمی، وەزیرێن دەرڤە یێن ولاتێن ئەرەبی ب رێیا ڤیدیۆ کۆنفەرانسێ، جڤینەکێ ئەنجام بدن ژ بۆ هەلسەنگاندنا پلانا پێکڤە گرێدانا بەشەک ژ کەنارا رۆژئاڤا ب خاکا ئسرائیلێ ڤە.
