وەزارەتا ناڤخوە یا ئالمانیایێ ئیرۆ رۆژا پێنجشەمی 30/4/2020 راگهاند، میلیشیایێن حزبوللا یا لبنانی یێن سەر ب ئیرانێ ڤە، ب ئاوایەک فەرمی ژ ئالیێ ئالمانیایێ ڤە کەتە ناڤا لیستەیا گرۆپێن تەرۆریستی ده و هەموو چالاکیێن وان ل ئەلمانیایێ هاتن قەدەغە کرن.
پەیڤدارێ وەزارەتا ناڤخوە یێ ئالمانیایێ د تویتەکێ دە راگھاند، وەزیرێ ناڤخوە یێ ئالمانیایێ ھۆرست سێھۆفەر، ھەموو چالاکیێن رێخستنا حزبوللا یا لوبنانی یا تەرۆرستی ل ئالمانیایێ قەدەغە کر.
هەڤدەم د گەل ب تەرۆریست ناساندنا حزبوللایێ، پۆلیسێن ئالمانیایی سەرێ سبەیا ئیرۆ ب سەر جھێ وێ رێخستنێ دە گرتن و ھەژمارەک ژ بەرگومانێن وێ رێخستنێ دەستەسەر کرن.
ل گۆر زانیاریێن بەرپرسێن ئالمانیایێ، نێزیک 1050 ئەندامێن حزبوللا ل وی وەلاتی ھەنە.
پارلەمه‌نا ئالمانیایێ د مەھا بەرچلە یا بووری دە، پێشنیازا شێورمەندا ئالمانیایێ ئانگەلا مەرکل ئا قەدەغە کرنا ھەموو چالاکیێن حزبوللا پەسەند کربوو و سەدەما وێ ژی ڤەگەراندبوو وێ یەکێ، کو چالاکیێن تەرۆریستی ل سووریێ ئەنجام ددە.
ئەڤ د دەمەکێ دە یە، یەکێتییا ئەورۆپایێ باسکێ سەربازی یێ حزبوللا یا لوبنانی یا ژ ئالیێ ئیرانێ ڤە تێ پشتەڤانی کرن، خستییە لیستا تەرۆرێ، لێ به‌لێ ئەو بریار ل سەر باسکێ سیاسیێ وێ رێخستنێ بجھ نابە.
