ل ئه‌مه‌ریكایێ رەوش پڕ خەتەرە

ل ئەمریکایێ رەوش پڕ خەتەرە

د ٢٤ سائەتێن رابووری دە پتر ژ 1600 کەسان ل ئەمریکایێ ب سەدەما ڤیروسا کۆرۆنایێ جانێ خوە ژ دەست دایە.

ل گۆرەی ئامارێن ژ لایێ زانینگەها جانز هاپکینز، ل ویلایەتێن یەکبوویی یێن ئامەریکایێ هاتی بەلاڤکرن، رۆژا ئینی 8/5/2020ان د 24 سائەتان دە پێتری 1635 کەسان ب سەدەما کۆرۆنا ڤیروسێ جانێ خوە ژ دەست دایە و ب ڤێ یەکی هژمارا تەڤاهی یا کەسێن ب ڤێ ڤیروسێ جانێ خوە ژ دەست دای گها 77178 کەسان.

ل گۆرەی ئاژانسا فرەنسایێ ئەڤ هژمارا مری یان ل ئامەریکایێ د دەما 24 سائەتێن دناڤبەرا 20:30 خۆلەکێن رۆژا پێنج شەمی هەیا 20:30 خۆلەکێن رۆژا ئەینی دە هاتینە تۆمار کرن.

ل ئامەریکایێ هەیا نها پێتری 1 ملیۆن و 280 هەزار کەس ب ڤیروسا کۆرۆنا یێ کەتینە و ب تەنێ د 24 سائەتێن بووری دە 29079 کەس ب ڤێ ڤیروسێ کەتینە، و هەیا نها 200 هەسار کەس ژ ڤێ ڤیرۆسێ فەلتینە و چوونە مالێن خوە.

هەرکو دچە ئامارا کەسێن ب ڤێ ڤیروسێ تووش دبن ل ئامەریکایێ پێتر دبە لێ بەلێ کۆچکا سپی دەما جەند رتۆژانە باس ل دەست پیکرنا سەر ژ نوو یا جالاکیێن ئابووری ل ئامەریکایێ دکە.

پوستێن ھەمان بەش