سه‌دری كارتا حكوومه‌تێن به‌رێ پێ هه‌لوه‌شاندی ده‌رخسته‌ ڤه‌

سه‌دری كارتا حكوومه‌تێن به‌رێ پێ هه‌لوه‌شاندی ده‌رخسته‌ ڤه‌

موقته‌دا سه‌در رێبه‌رێ ره‌وتا سه‌دری یا شیعی ل ئیراقا فه‌ده‌رال، ئیرۆ 100 رۆژ وه‌كه‌ ده‌رفه‌ت دانه‌ سه‌رۆكوه‌زیرێ نوو یێ ئیراقێ، ژ بۆ كو كارنامه‌یا حكوومه‌تێ جێه‌بجێ بكه‌ت.

به‌رده‌ڤكێ موقته‌دا سه‌دری ئیرۆ رۆژا دوشه‌می 11/5/2020ێ د راگهاندنه‌كێ ده‌ ئه‌شكه‌ره‌ كر، موقته‌دا سه‌دری 100 رۆژ وه‌كه‌ مۆله‌ت دانه‌ مسته‌فا كازمی یێ سه‌رۆكوه‌زیرێ ئیراقێ، ژ بۆ كو كارنامه‌یا حكوومه‌تێ جێبه‌جێ بكه‌ت.

ده‌ست نیشان كر موقته‌دا سه‌در ل وێ باوه‌رێ یه‌ كو مسته‌فا كازمی كه‌سه‌كێ جددی یه‌ و حه‌ز ژ ولاتێ خوه‌ دكه‌ت.

به‌رده‌ڤكێ موقته‌دا سه‌دری ئه‌شكه‌ره‌ كر كو سه‌دری ده‌رفه‌تا 100 رۆژان دابوو حكوومه‌تێن به‌رێ یێن ئیسلامی ژی، وه‌كه‌ ئاماژه‌ ژ بۆ عادل عه‌بدولمه‌هدی، لێ به‌لێ كارنامه‌یا حكوومه‌تێ ل وێ ده‌مێ نه‌هات جێبه‌جێ كرن.

موقته‌دا سه‌در كو ب لڤینه‌رێ جادده‌یا ئیراقێ تێ حه‌ساب كرن، رۆله‌كه‌ كارا د هلوه‌شاندنا حكوومه‌تا عادل عه‌بدولمه‌هدی ده‌ هه‌بوو پاش كو ده‌رفه‌تا 100 رۆژان پێ دایی و پشتره‌ پێلا خوه‌پێشاندانان ده‌ست پێ كری.

ل وێ ده‌مێ عادل عه‌بدولمه‌هدی ئه‌شكه‌ره‌ كر كو ئه‌وان شیان نینه‌، د 100 رۆژان ده‌ كارنامه‌یا حكوومه‌تێ جێبه‌جێ بكه‌ن، ژ به‌ر كو حه‌یده‌ر عه‌بادی یێ سه‌رۆك وه‌زیرێ به‌رێ حكوومه‌ته‌كا وێران ژ بۆ وان ب جی هێلا بوو.