دادگه‌هه‌كه ئیراقا فه‌ده‌رال، ئیرۆ بریار ل ده‌ربارا كه‌یسه‌كه گرێدای خه‌راب باس كرنێ ل سه‌ر «پێغه‌مبه‌رێ ئیسلامێ» ده‌رخست و كه‌سێ كو ئه‌ڤ كار كری وێ بۆ 2 سالان وه‌ره زیندانی كرن.
دادگه‌هه‌كا پارێزگه‌ها ديوانيێ یا ئیراقا فه‌ده‌رال، ئیرۆ رۆژا چارشه‌می 13/5/2020ان، بریار ل ده‌ربارا كه‌یسه‌كه گرێدای ئیسائا زات و پێگه‌ها «پێغه‌مبه‌رێ ئیسلامێ» و مالباتا وی د تۆرێن جڤاكی ده ده‌رخست.
دادگه‌هێ د داخویانییه‌كه فه‌رمی ده ئه‌شكه‌ره كر كو كه‌سه‌كێ مولحد د كۆمێنتان ده ل فه‌یسبووكێ، گۆتنێن نه‌هێژای پێگه‌ها «پێغه‌مبه‌ر» و مالباتا وی كربوون، له‌وما وان بریار دا ئه‌ڤ كه‌س بۆ ده‌ما 2 سالان وه‌ره زیندان كرن.
ده‌ست نیشان كر، ئه‌ڤ كه‌س پاش كو هاتییه ده‌سته‌سه‌ر كرن، دانپێدان كر كو وی ئه‌ڤ كۆمێنت كرنه، ژبه‌ر كو ئه‌و مولحده.
داگه‌هێ دبینه كو ئه‌ڤ كۆمێنت بوونه سه‌ده‌ما بریندار كرنا هه‌ستا ملیۆنێن موسلمانان، له‌وما ل گۆر به‌ندێن (1 – 5 – 372) ژ یاسایا جه‌زایێن ئیراقێ، ئه‌ڤ كه‌س وێ بۆ ده‌ما 2 سالان وه‌ره زیندان كرن.
