یەپەگێ چاڤ بەردا فترەیێن گەلێ رۆژئاڤا

ل ھەرێمێن د بن دەستهلاتدارییا وێ ده‌، چاڤێ یه‌په‌گێ ل فترەیێن گەلێ رۆژئاڤایە داکو وان فترەیان ل سەر مالباتێن شەرڤانێن د شەرێن دژی تەرۆریستێن داعشێ دە جانێ خوە ژ دەست دای، پارڤە بکە.

ل رۆژئاڤایێ کوردستانێ یەپەگە ل هەرێمێن د بن کۆنترۆلا خوە دە، داخوازێ ژ گەلێ رۆژئاڤا دکە فترەیێن خوە یێن مەها رەمەزانێ تەسلیمی وان بکن، داکو ئەو ژی وان فترەیان ل سەر مالباتێن شەهیدێن خوە پارڤە بکن.

ل گۆر زانیاریێن ب دەست پیگەها «دارکا مازی» کەتی ل رۆژئاڤایێ کوردستانێ کۆمێن 2 – 3 کەسی ژ شەرڤانێن یەپەگێ هاتینە دروست کرن و کۆلان ب کۆلان ل مالێن گەل ل رۆژئاڤا دگەرن داکو فترەیێن وان کۆم بکن و بدن مالباتێن شەرڤانێن خوە کو د شەرێ دژی داعشێ دە شەهید کەتنە.

ل رۆژئاڤایا کوردستانێ ژ بۆ هەر کەسی وەکە فترەیا مەها رەمەزانێ 1000 لیرەیێن سووری هاتنە دیار کرن، لێ ژ بەر رەوشا خەراب ئا ئابووری ل رۆژئاڤا ب سەدەما ڤیرۆسا کۆرۆنا و زیدەکرنا باجێ ل سەر هەمولاتییان هەژمارەک زێدە ژ خەلکی نکارن فترەیێن خوە بدن و ئەڤ یەک بوویە سەدەما نەرەهەتییا وان.

پوستێن ھەمان بەش