داگیركار گه‌نم و جه‌هێ كوردان د سوژن

داگیركار گه‌نم و جه‌هێ كوردان د سوژن

سۆتنا زه‌ڤیێن جۆتكارێن كورد یێن ده‌خل و دانی ل باشوور و رۆژئاڤایێ كوردستانێ پرسه‌كه‌ هه‌ر سال دوباره‌ دبیت، ب تایبه‌ت پاش سالا 2017ێ و ژ هاتنا میلیشایێن حه‌شدا شه‌عبی بۆ ناڤچه‌یێن كوردستانی.

چاڤكانیێن پێگه‌ها داركا مازی ل رۆژئاڤایێ كوردستانێ ئه‌شكه‌ره‌ كرن، ئه‌و ئاگرێ ب زەڤیێن گوندێن رۆژئاڤایێ تل تەمرێ كه‌تی به‌رفره‌هـتر بوویه‌ و ئاگر بەر ب زەڤیێن گوندێن «ئەل ئەزیزیێ و ئوم ئەل کێفێ» ڤە بەلاڤ دبیت.

چاڤکانیێن خوەجھی ده‌ست نیشان كرینه‌، چەکدارێن گرێدای تركیێ، ئاگر بەردانە زەڤیێن گەنم و جه‌ھـی یێن ھەر یەک ژ گوندێن «ریحانیێ، فەیسەلیێ، مەحموودیێ و قاسمیێ» کو ل ژێر کۆنترۆلا وان گرۆپێن چەکدار دانه‌، ئاگرێ ل ھەردو گوندان بەر ب زەڤیێن گوندێن «ئەل ئەزیزیێ و ئوم ئەل کێفێ»، ل ھەمان دەڤەرێ بەرفەرەتر بوویە.

گوندێن ناڤبووری 6 کم ل رۆژئاڤایی باژارێ تل تەمرێ نه‌ و پشتی ئێریشا داگیركارییا تركیێ ل 9 ئۆكتۆبه‌را سالا 2019ێ، ئارته‌شا ترکیێ ئه‌و ناڤچه‌ خستییه‌ بن كۆنترۆلا چەکدار و میلیشیایێن خوه‌.

ئەڤ یەک د دەمەکی وەها دا یە کو ل هەرێما باشوورێ کوردستانێ ژی ل وان ناڤچەیێن د بن کۆنترۆلا حکوومەتا ئیراقێ و حەشدا شەعبی دا، دەخل و دانێ جۆتکارێن کورد ب بەردەوامی دهێت سۆتن، ل داوی جار جۆتکارەک کورد ژی د ناڤا سۆتنا دەخل و دانێ خۆ دا بریندار بوو و جانێ خۆ ژ دەست دا.

ل باشوورێ کوردستانێ ل ناڤچەیێن کو پشتی خیانه‌تا 16 ئۆکتۆبەرا سالا 2017ێ کو گرۆپەک د ناڤا یەنەکێ دا بوونە سەدەم، هەتا نها سالانە زەڤی و باغێن کوردان ل وان ناڤچەیان دهێن سۆتن و تەعریب کرنا کوردان ژی چوویە د قۆناغەکا پڕ مەترسیدار دا.

پوستێن ھەمان بەش