گه‌هشته‌ ئه‌مازۆنێ

گه‌هشته‌ ئه‌مازۆنێ

وه‌زاره‌تا ته‌ندروستیێ یێ ولاتێ ئێكوادۆرێ، ئه‌شكه‌ره‌ كر كو ڤیرۆسا كۆرۆنا گهشتییه‌ هۆزێن ئه‌مازۆنێ و یه‌كه‌م كه‌یس ل جه‌م هۆزا «واورانی» هات ته‌سبیت كرن.

وه‌زاره‌تا ته‌ندروستیێ یێ ولاتێ ئێكوادۆرێ ئیرۆ رۆژا دوشه‌می 18/5/2020ێ داخویانی ل ده‌ربارا ڤیرۆسا كۆرۆنا یا (كۆڤید-19) دا و ده‌ست نیشان كر كو ئه‌ڤ ڤیرۆسا خه‌ته‌ر گهیشتییه‌ هۆزێن ره‌سه‌ن یێن ئه‌مازۆنێ و یه‌كه‌م كه‌یس ل جه‌م ژنه‌كا هۆزا «واورانی» هات ته‌سبیت كرن.

د داخۆیانیێ دا وها هاتییه‌: «ژنه‌كه‌ ب دوگیان یا هۆزا «واورانی» كو ژ هۆزێن ره‌سه‌ن یێن ئه‌مازۆنێ نه‌، راستی ڤیرۆسا (كۆڤید-19) هاتییه‌، نها ئه‌و ژ بۆ كه‌ره‌نتین كرنێ ژ بۆ نه‌خوه‌شخانه‌یه‌كێ ل كیتۆ یا پایته‌خت هاتییه‌ ڤه‌گوهاستن».

وه‌زاره‌تا ته‌ندروستیێ یا ئێكوادۆرێ دبێژه‌: «ڤیرۆسا كۆڤید ب رێیا كه‌چه‌كێ ژ بۆ هۆزێن ئه‌مازۆنێ هاتییه‌ ڤه‌گوهاستن و نها خه‌باتێن وان ژ بۆ پشكنینا 40 كه‌سێن دن یێن هۆزێن ئه‌مازۆنێ هه‌نه‌ كو گومان تێ كرن وێ كه‌چێ تووش كربن».

ئێكوادۆر ژ ولاتێن هه‌ری زرار دیتی یێن ڤیرۆسا كۆرۆنایێ یه‌ ل ئه‌مه‌ریكایا لاتین، هه‌یاما دو مه‌هانه‌ قه‌ده‌غه‌ راگهاندییه‌، هه‌یا نها پێتر ژ 33 هه‌زار تووشبوو و 2700 كه‌یسێن مرنێ ل ور هاتنه‌ تۆمار كرن.

پوستێن ھەمان بەش