پیتەر ناڤارۆ شیورمەندێ کاروبارێن بازرگانی ل کۆچکا سپی ئیرۆ رۆژا دوشەمی 18/5/2020ان د هەڤپەیڤینەک مەدیایی دە دگەل کانالێ تەلەفزیۆنی یی «WSJ at large» کو کانالەکە سەر ب «Fox Business Network» راگهاند، ولاتێ چینێ ب ئەنقەست رێ ب بەلاڤبوونا ڤیرۆسا کۆرۆنایێ د وەلاتێن دن یێن دنیایی دا، لێ هەڤدەم باژارێن پەکین و شانگهای پاراستن و رێ نەدا ئەڤ ڤیرۆس ل وان باژاران بەلاڤ ببە.
ناڤارۆ هەر وەها راگهاند، چینێ دکاری هەر ل دەما دەستپێکا بەلاڤبوونا ڤیرۆسا کۆرۆنایێ ل هه‌رێما ووهان، وێ ڤیرۆسێ کۆنترۆل بکە و ری نەدە دەرکەڤە ولاتێن دن.
ناڤارۆ ئەڤ یەک ژی راگهاند کو: چینێ ڤیرۆس ل پشت مەرتالا رێخستنا ساخلەمییا جیهانی دە ڤەشارت و ئەڤ یەک د دەمەک وەها دە بوو کو پەکین دکاری ڤیرۆسێ ل ووهانێ کۆنترۆل بکە.
شیورمەندێ کاروبارێن بازرگانی ل کۆچکا سپی هەر وەها راگهاند: چێنێ ل جیێ ڤێ نەخوەشیێ ل جیێ وێ یێ دروست کۆنترۆل بکە، بەرەڤاژی ڤێ یەکێ کر، ب سەدان هەزار کەسێن ب ڤیرۆسا کۆرۆنایێ کەتی ژ هەمولاتیێن چینی و نە یێن چینی خستن ناڤا بالەفران و ئەو هنارتن میلانۆ یا ئیتالیایێ، نیۆیۆرک ئا ئامەریکایێ و جیێن دن ل جیهانێ، لی بەلێ رێگری ل چوونا وان کر ژ بۆ پەکین و شانگهایێ.
پێشکێشکارێ تەلەفزیۆنێ ژ پیتەر ناڤارۆ رە دپرسە: گەلۆ دەما هوون دبێژن چینێ ب قەدەغەکرنا گەشتێن ناڤخوە و رێ دان ب گەشتێن ناڤدەولەتی ب ئاوایەک علمدار د دەمەکی دە کو وێ دزانی ئەڤ ڤیرۆس ب تو ئاوا خەتەرە، ب راستی ژی ئەنقەست ئەڤ ڤیرۆس ل دنیایێ بەلاڤکرییە؟ ناڤارۆ د بەرسەڤێ دە دبێژە: ئەڤ راستییەکە کو نابە خوە ل سەر وێ باخڤین ژی.
