میلیشیایێن شیعی ب 3 مۆشه‌كان به‌رسڤا كازمی دا

میلیشیایێن شیعی ب 3 مۆشه‌كان به‌رسڤا كازمی دان

سێ مۆشه‌كه‌كێن‌ كاتیۆشا ئیرۆ ب ناڤچه‌یا كه‌سه‌ك یا به‌غدایێ كه‌تن كو بالیۆزخانه‌یا ئه‌مه‌ریكایێ و ولاتێن دن ل وێ ناڤچه‌یێ نه‌، ئه‌ڤ یه‌ك پاش بریارا سه‌رۆكوه‌زیر كازمی هاتییه‌ كو گۆتییه‌ ئه‌وێ چه‌كان بێخیته‌ د ده‌ست ده‌وله‌تێ ده‌.

تۆرا مه‌دیایا ئه‌وله‌هیێ یا سه‌ر ب حكوومه‌تا ئیراقا فه‌ده‌رال ڤه‌ ئه‌شكه‌ره‌ كر، ئیرۆ رۆژا سێشه‌می 19/5/2020ێ، سێ مۆشه‌كێن ژ جورێ كاتیۆشا ب ناڤچه‌یا كه‌سه‌ك كه‌تییه‌، لێ به‌لێ چ زرارێن جانی ل په‌ی نه‌هاتن.

ناڤچه‌یا كه‌سك ل ناڤه‌ندا به‌غدایێ یه‌، هه‌موو باره‌گه‌هێن سازیێن ده‌وله‌تێ و بالیۆزخانه‌یا ئه‌مه‌ریكایێ و بالیۆزخانه‌یێن وه‌لاتێن دن تێده‌ نه‌.

ئه‌ڤ مۆشه‌ك ب به‌ر خانییه‌كێ كاڤل كه‌تنه‌ و چ زراره‌كه‌ جانی ب سه‌ده‌ما وان نه‌هاتن ته‌سبیت كرن.

د داخویانییا تۆرا ئه‌وله‌هییا حكوومه‌تێ ده‌ هاتییه‌ كو ئه‌ڤ مۆشه‌ك ژ جادده‌یا ب ناڤێ فه‌له‌ستین یا رۆژهلاتا به‌غدایێ هاتبوون ئاڤێتن كو گرۆپه‌كه‌ میلیشیایێن شیعه‌ یێن نێزی ئیرانێ ل ور هه‌نه‌.

پاش كه‌تنا مۆشه‌كان زه‌نگا خه‌ته‌رێ ل ناڤچه‌یا كه‌سك هات لێدان.

كه‌تنا ڤان مۆشه‌كان هه‌موه‌ختا بریارێن نوو یێن سه‌رۆكوه‌زیرێ ئیراقێ مسته‌فا كازمی تێ كو به‌را دو رۆژان ل گه‌ل فه‌رماندارێتییا حه‌شدا شه‌عبی جڤیابوو و سۆز دابوو گه‌لێ ئیراقێ كو ئه‌و دێ چه‌كان ته‌نێ هێلیته‌ د ده‌ست ده‌وله‌تێ دا.

پوستێن ھەمان بەش