دێره‌كا باژارێ بەرلینێ دەريێن خوە ل همبه‌ر نمێژکەرێن موسلمان ڤه‌كرن، پشتی كو نكارین ب سەدەما جێبه‌جێكرنا رێنمایا »دووریاتییا جڤاکی» ل مزگەفتان نمێژێ بکن.
هکوومەتا ئەلمانیایێ سەر ژ نوو ڤە رێ ب چالاکیێن ئۆلی دا لێ بەلێ ب مەرجەکی کو 1.5 مەتر مه‌ودا د ناڤبەرا کەسان دە هەبە، ژ بەر ڤێ یەکێ مزگەفتا «دار ئه‌لسه‌لام» ل بەرلینێ ب تەنێ دکاری رێ ب هەژمارەک کێم ژ موسلمانا بدە ژ بۆی ئەنجام دایینا نمێژا ئەینیێ.
ژ بەر ڤێ یەکێ دێرا پرۆتستان یا ب ناڤێ «مرتا» ل کرۆیتسبێرگا بەرلینێ ژ بۆ موسلمانان پێشنیاز کر نمێژا ئەینیێ ل دێرێ ئەنجام بدن.
مەلایێ کو نمێژا جەماعەت دکر ژ رویتەرزێ رە راگهاند کارەک ب ڤی ئاوایی د مەها رەمەزانێ دە و د دەما هەبوونا کریزەک ب ڤی ئاوایی دە، کەیفخوەشی ل پەی خوە ئانی.
مەلە تەکەز کر، کریز دبن سەدەما وێ یەکێ کو ئینسان نێزی هەڤ ببن.
یەک ژ نمێژکەران ژی ب رویتەرزێ رە راگهاند، چوون ژ بۆ دێرێ هەستەک غەریب هەبوو، ب تایبەتی ب هەبوونا وان ئاموورێن مۆزیکی و وێنەکێشان، دەما تۆ لێ دنێری جوداهیێن بچووک تۆ ژ بیر دکی، هەر چاوا بە ئەڤ ژی مالا خودای یە.
د ڤێ نمێژا ئەینیێ دە قه‌شه‌یێ دێرێ ژی بەشدار بوو.
