ل گۆر رایەدارێن یەونانستانێ، هێزێن ئارتەشا ترکیێ گزیرتەیەکا یەونانستانێ ل رووبارێ سینۆری یێ ئیڤرۆس داگیر کرییە، ل سەر ڤێ یەکێ ژی باله‌فرێن جەنگ یێن دەولەتا ترکیی ل ڤێ داویێ ل ئاسیمانێ گزیرتا لیسبۆس، چیۆس و لیمنۆس گەرێن چاڤدێریێ ئەنجام دانە، یەونانستانێ د ڤێ دەربارێ دە زانیاری گهاندینە ناتۆیی.
ل گۆر مەدیایێن یەونانستانی هێزێن ئارتەشا ترکیێ، دەما دو رۆژانە کو گزیرتەیەک بچووک د ناڤا رووبارێ سینۆری یێ دناڤبەرا ترکیێ و یەونانستانێ دە کو ب سینۆرێ خاکا یەونانستانێ تێ زانین داگیر کرییە.
رایەدارێن وەزارەتا دەرڤە یا یەونانستانێ راگهاند کو وان ژ بۆ زەلال کرنا ڤێ بابەتێ پەیوەندی ب ترکیێ کرینە، لێ بەلێ هەیا نها تو زانیارییەک ژ ئالیێ ترکیێ ڤە ل سەر ڤێ یەکێ نەهاتنە ئەشکەرە کرن.
مەدیایێن یەونانستانێ هەروەها ئەڤ یەک ژی تەکەز کر کو ل دەما رۆژێن رابووری دە، چەندین جاران بالەفرێن جەنگ یێن ترکیێ ل ئاسیمانێ گزیرتەیێن یەونانستانێ د دەریایا ئیجە دە فرینە.
وەزیرێ بەرگرییا یەونانستانێ ژی راگهاند کو ئەڤ بوویەرە بەردەوام دوبارە دبن، وی هەر وەها راگهاند کو وان ناتۆ ل سەر ڤێ یەکێ ئاگەهدار کرییە.
