ژ بەر کو ل باژارێ مینیسۆتا یێ ئه‌مەریکایێ کەسەکی رەش ژ ئالیێ پۆلێسان ڤە ھات خەنقاندن، ب ھەزارانا کەس داکەتن کۆلانان و ب پۆلێسان رە شەر کرن.
ل ئه‌مه‌ریكایێ دوهـ پۆلێسان خوەستن کەسەکی رەش بنچاڤ بکن، د دەما بنچاڤ کرنێ دە دەستێن کەسێ رەش ھات کەلەپچەکرن و ل ئەردێ ھات درێژ کرن، لێ بەلێ ژ بەر کو پۆلێسەکێ چۆکێ خوە دانی ل سەر ستوویێ کەسێ رەش پشتی پێنج دەقیقەیان بێھنا وی چکییا و مر.
دیمەنێن خەندقاندنا ڤی کەسێ رەش د سۆشیال مەدیایا ئه‌مه‌ریكایێ دە ب بەرفرەهی هاتن بەلاڤکرن و ب دیتنا ڤان دیمەنان كارڤه‌ندانێن توند ژ ئالیێ گەلێ ئه‌مه‌ریكایێ ڤە هاتن نیشاندنان.
ژ بەر ڤێ یەکێ ل باژێر ب ھەزاران کەس داکەتن کۆلانان و کوشتنا کەسێ رەش پرۆتەستۆ کرن و ب پۆلێسان رە پەڤ چوون.
ھات راگھاندن ل دەربارێ بوویەرێ لێپرسین ھات دەستپێکرن و 4 پۆلێسێن کو تێکلییا وان ب بوویەرێ رە ھەبوون ژ وەزیفێ ھاتن دوورخستن.
سەرۆکێ شارەدارییا مینیسۆتا جایكۆب فری، ل دەربارێ کوشتنا کەسێ رەش داخویانییەک دا و ژ ئه‌مه‌ریكایی یێن کو ئەسلێ خوە ئافریکایی نە لێبۆرین خوەست و گۆت: دڤێ جەزایا رەشبوونێ ل ئه‌مه‌ریكایێ مرن نەبە.
ناڤبووری راگهاند: «نابە رەش بوون ل ئه‌مه‌ریكایێ بێ واتەیا هوکمێ مرنێ»، فری هەر وەها راگهاند کو پۆلیسان بۆ دەما پێنج دەقەیان چۆکا خوە ل سەر ستۆیێ “فلۆید- کەسێ رەش کو هاتیە کوشتن” دانایە، هەرچەند کو فلۆید داخوازا ئالیکاریێ ژ پۆلیسان کریە لێ بەلێ پۆلیسان تو ئالیکارییەک نەکریە.
سەرۆکێ شارەداریا مینیسۆتا هەروەها راگهاند: دەما کو ته ئاگەهـ ژ داخوازا ئالیکاریێ دبە، پێویست دکە ئالیکاریێ یکی، ئەڤ پۆلیس د ئەزموونا سادە یا هەستێن ئینسانی دە سەرنەکەت.
د سۆشیال مەدیایێ دە دیمەنێن کو ژ ئالیێ ئه‌مه‌ریكائیێن ل وێ دەرێ ئامادە هاتبوون وێنەکرن ب ئاوایەک هەری بەرفرە هاتن پار ڤەکرن و ب زەلالی تێدە دیار دبە کو خەلک ژ پۆلیسان رە دخوازن رێ ب فلۆید “کەسێ رەش” بدن کو بێهنا خوە هەلکێشە لێ بەلێ ب تو ئاوا رێ پی نەهاتە دایین و پشتی پێنج دەقیقەیان کو خوین ژ دفنا فلۆید دهات بێھنا وی چکییا و مر.
