ل پارێزگەھا ئدلبێ یا ل باکورێ رۆژئاڤایێ سووریێ، ل سەر رێیا کاروانەکە ھێزێن ئارتێشا ترکیێ تەقینەک چێبوو و ل گۆر ئاگاھییان، ھەژمارەک لەشکەرێن ترکیێ بریندار بوونە، کو تێ گۆتن برینا ھنەکان دژوارە.
ل گۆر ئاگاھیێن ژ ھەرێمێ ب دەست پێگەها «دارکا مازی» كه‌تنه، تەقین ل سەر رێیا M4ێ یا ناڤدەولەتی و د دەما دەرباسبوونا کاروانەکە ھێزێن ترکیێ دە چێبوویە، د ئەنجاما تەقینێ دە ھەژمارەک لەشکەرێن ترکیێ بریندار بوونە، کو برینا ھنەکان گرانە.
تێ زانین کو ئیرۆ رۆژا چارشەمی دەولەتا داگیرکار یا ترکیێ جارەکە دن 25 ئەرەبەیێن له‌شكری شاندنه ئدلبێ.
ناڤەندا چاڤدێرییا مافێن مرۆڤان یا سووریێ «سۆھر» پێش نها راگھاندبوو کو کاروانەکی له‌شكری یێ ترکیێ کو ژ 25 ئەرەبەیان پێک دھات، ب رێیا دەریێ کەفەر لۆسینێ ل سەر سینۆرێ ب لیوا ئیسکەندەرۆن، دەرباسی ئدلبێ بوو و بەرێ خوە دا نۆقتەیا چاڤدێریێ یا ترکیەیێ یا ل بارەگەھا ئەل-مەستوومایا ل نێزی باژارێ ئدلبێ، ب ڤێ یەکێ رە ژ 5ێ ئادارێ ھەتا نھا 3 ھەزار و 460 ئالاڤێن له‌شكری دەرباسی ئاخا سووریێ بوونە.
هەتا نها تو ئالییەکێ بەرپرساتییا ئامانج کرن و تەقاندنا بۆمبەیان ل سەر رێیا کاروانێ هیزێن ئارتێشا ترکیێ ب ستۆیێ خوە ڤە نەگرتییە ناهێ زانین ژی كو هەژمارا کوشتی و بریندارێن ترکیێ چەندن، ب تەنێ ئەڤ نەبە کو برینێن هنەک ژ وان پڕ گران و دژوارن.
