ژ ئه‌نجاما ته‌قینا دو بۆمبێن چاندی ل باشوورێ باژارێ مووسلێ، هه‌ژماره‌كه پۆلیسێن فه‌ده‌رال هاتن كوشتن و بریندار كرن.
وه‌زاره‌تا ناڤخۆ یا ئیراقێ ئیرۆ ئه‌شكه‌ره كر، ژ ئه‌نجاما ته‌قینێن شه‌ڤا ده‌رباسبوویی یێن ل باشوورێ مووسلێ، 3 پۆلیسێن فه‌ده‌رال كو د ئه‌رك ده بوون، هاتن كوشتن هه‌روه‌ها 3 پۆلیس بریندار كه‌تنه.
ده‌ست نیشان كر، ته‌قین ب رێیا بۆمبێن چاندی هاتنه ئه‌نجام دایین، هه‌یا نها چ ئالییه‌كی به‌رپرسیارییا وان نه‌خستییه پال خوه.
ل مه‌ها كانوونا یه‌كه‌ما سالا 2017ان، باژارێ مووسلێ ب ته‌ڤاهی ژ ده‌ست چه‌ته‌یێن داعشێ هاتبوو رزگار كرن، پشتی كو هێزێن ئیراقی و هێزێن پێشمه‌رگه‌یێن باشوورێ ولات ئێریشا سه‌ر وی باژار ده‌ست پێ كرین.
هه‌ر چه‌ند كو داعش وه‌كه رێخستن و هێزا له‌شكری ب داوی بوویه، لێ به‌لێ ژ ده‌ستپێكا ئیسالێ ڤه، شانه‌یێن ڤه‌شارتی یێن ته‌رۆریستێن وێ، ئێریشان ل دژی هێزێن ئیراقی و هێزێن پێشمه‌رگه ل خه‌تا ته‌ماسێ ئه‌نجام دده‌ن.
