پارلمه‌نته‌ره‌كێ دێرین ئێ فره‌نسایێ ئیرۆ جانی خوه ژ ده‌ست دا، پاش كو ل ڤێ داویێ ب ڤیرۆسا كۆرۆنا یا نوو (كۆڤید-19)ێ نه‌خوه‌ش كه‌تی.
كلۆد گۆسگان، پارلمه‌نته‌رێ فره‌نسایێ ل سه‌ر لیستا پارتییا كۆماری، ئیرۆ د ته‌مه‌نا 75 سالیێ ده ب سه‌ده‌ما ڤیرۆسا (كۆڤید-19)ێ جانێ خوه ژ ده‌ست دا، كلۆد گۆسمان د به‌شا چاڤدێرییا چڕ ده ل یه‌ك ژ نه‌خوه‌شخانه‌یێن پاریسێ مرییه.
ل گۆر رۆژنامه‌یا باریماچ یا فره‌نسایێ، كلۆد گۆسمان، پێتری 2 هه‌فته‌یان بوو ب (كۆڤید-19)ێ نه‌خوه‌ش كه‌تی، لێ به‌لێ هه‌ر زوو ره‌وشا وی پێویستی ب یه‌كه‌یا چاڤدێرییا چڕ كربوو.
كلۆد گۆسمان، ل سالا 1997ان وه‌كه پارلمنته‌ر هاتبوو هلبژارتن و ژ وێ ده‌مێ به‌رده‌وام هاتبوو هلبژارتن بۆ هه‌مان پۆستێ.
ژ ده‌ما گهیشتنا ڤیرۆسا (كۆڤید-19) بۆ فره‌نسایێ، هه‌ژماره‌كه پارلمه‌نته‌ر و وه‌زیرێن ڤێ ده‌وله‌تێ پێ كه‌تبوون، لێ به‌لێ ره‌وشا وان پێویستی ب چاڤدێرییا چڕ نه‌دكر، به‌ره‌ڤاژی ره‌وشا كلۆد گۆسمانی.
ل فره‌نسایێ ژ ده‌ستپێكا (كۆڤید-19)ێ، 28596 كه‌سان جانێ خوه ژ ده‌ست دانه، 145746 كه‌س هه‌یا نها پێ كه‌تنه.
