پارلمه‌نا ئیرانێ ئیرۆ محه‌مه‌د باقر قالیباف، فه‌رماندارێ به‌رێ ئێ هێزێن ئاسیمانی یێ سپایێ پاسداران، وه‌كه سه‌رۆكێ پارلمه‌نێ ده‌ست نیشان كر.
ل گۆر تێله‌فزیوونا فه‌رمی ئا ئیرانێ، ئیرۆ رۆژا پێنجشه‌می 28/5/2020ان، پارلمه‌نا ئیرانێ، محه‌مه‌د باقر قالیباف، فه‌رماندارێ به‌رێ ئێ هێزێن ئاسیمانی یێ سپایێ پاسداران وه‌كه سه‌رۆكێ پارلمه‌نێ هلبژارت، 230 پارلمه‌نته‌ران ژ سه‌رجه‌ما 264 پارلمه‌نته‌ران قالیباف ئه‌رێ كر.
قالیباف، د جه‌نگا ئیراقێ و ئیرانێ ده رۆله‌كه دیار هه‌بوو و هه‌روه‌ها به‌رپرسیارێ پۆلیسێن نشتیمانی بوو و رێزه‌كه تایبه‌ت ل جه‌م خامنه‌یی هه‌یه.
ل گۆر تێله‌فزیوونا ئیرانێ، خامنه‌یی سه‌رۆكێ به‌رێ یێ پارلمه‌نا ئیرانێ وه‌كه شێوه‌رمه‌ندێ خوه وه‌زیفه دار كرییه ل ئه‌نجوومه‌نا ده‌ست نیشان كرنا به‌رژه‌وه‌ندیێن ره‌ژیمێ.
پارله‌مه‌نا ئیرانێ كو ژ 290 پارلمه‌نته‌ران پێكهاتییه، ت رۆله‌كه وها د كارێن ده‌رڤه یێن ئیرانێ ده و هه‌روه‌ها سیاسه‌تا وێ یا ئه‌تۆمی ده نینه، ژ به‌ر كو ئه‌ڤ هه‌ردو پرس خامنه‌یی بریارێ ل سه‌ر دده.
هلبژارتنێن ئیرانێ ل 21 شباتا ئیسال 2020ان برێڤه‌چوون، ل وێ ده‌مێ ب ته‌مه‌نترین پارلمه‌نته‌ر سه‌رۆكاتییا پارلمه‌نێ كر و هه‌یا ئیرۆ كو قالیباف ل سه‌ر وێ كورسیێ هات دانین.
