هه‌ژماره‌كه چه‌كدارێن نه‌ناس كری، ئیرۆ چه‌كداره‌كی میلیشیایا ب ناڤێ «سولتان موراد» یا گرێدای ئارته‌شا داگیركه‌ر یا تركیێ، ل سینۆرێ هه‌رێما عه‌فرینێ هات كوشتن.
چاڤكانیێن پێگه‌ها «داركا مازی» ل رۆژئاڤا كوردستانێ ده‌ست نیشان كرن، ئیرۆ رۆژا دوشه‌می 8/6/2020ان، چه‌كداره‌كێ میلیشیایا ب ناڤێ «سولتان موراد» یا گرێدای ده‌وله‌تا تركیێ ژ ئالیێ هنه‌ك چه‌كدارێن نه‌ناس كری ل سینۆرێ عه‌فرینێ هات كوشتن.
بوویه‌را كوشتنا ڤی چه‌كدارێ میلیشیا «سولتان موراد» ب رۆژه‌كێ پاش دیتنا جه‌سه‌دێ كه‌چه‌كا عه‌فرینێ تێ كو ل مه‌ها رابووری ژ ئالیێ چه‌كداره‌كێ هه‌مان میلیشیایێ هاتبوو ره‌ڤاندن.
هه‌ر ل ڤێ ده‌ربارێ ده، نه‌رینگه‌ها سووریایا مافێن مرۆڤان ئاماژه كر كو هه‌ر ئیرۆ هنه‌ك چه‌كداران كو د مۆتۆره‌كێ ده بوون، هه‌ولا كوشتنا هنه‌ك چه‌كدار و میلیشیایێن تركیێ ل باژارێ بابێ یێ باكورێ رۆژهلاتا حه‌له‌بێ كرنه، د وێ بوویه‌رێ ژی ده میلیشیایه‌ك بریندار كه‌ت.
هه‌ر ل گۆر نه‌رینگه‌ها سووریایێ، ژ ده‌ستپێكا ڤێ مه‌هێ ڤه، هه‌ژماره‌كه پۆلیسێن ناڤه‌ندا عه‌فرینێ و بابێ كو تركیێ پاش داگیركرنا وان هه‌رێمان ل ور وه‌زیفه‌دار كرنه، ب ده‌ست چه‌كدارێن نه‌ناس كری هاتنه كوشتن.
