جه‌زایێ بدارڤه‌كرنێ ژبۆ سیخۆرێ مۆسادێ

جه‌زایێ بدارڤه‌كرنێ ژبۆ سیخۆرێ مۆسادێ

ئیرانێ ئیرۆ ئه‌شكه‌ره‌ كر، وان جه‌زایێ ب دار ڤه‌كرنێ ژ بۆ وی كه‌سی ده‌ركر كو پێزانین ل سه‌ر جیێ قاسم سوله‌یمانی، فه‌رماندارێ به‌رێ یێ فه‌یله‌قا قودسێ داینه‌ سازیێن مۆساد و CIAیێ.

به‌رده‌فكێ دستهلاتا دادوه‌ری یا ئیرانێ، غولام حسێن ئیسماعیل، ئیرۆ رۆژا سێشه‌می 9/6/2020ان د كۆنفه‌ره‌نسه‌كه‌ مه‌دیایی ده‌ ئه‌شكه‌ره‌ كر، ل رۆژێن رابووری وان كه‌سه‌ك ب ناڤێ مه‌محوود موسه‌وی بن چاڤ كربوو و ئه‌شكه‌ره‌ بوو كو وی سیخۆری ژ بۆ سازیێن ئیسخباراتی مۆسادا ئیسرائیلێ و CIA یا ئه‌مه‌ریكی كرییه‌.

غولام حسێن دبێژه‌: مه‌حموود موسه‌وی ل به‌رانبه‌ر په‌ره‌یان، پێزانین ل ده‌ربارا جیێ قاسم سوله‌یمانی و فه‌یله‌قا قودسێ دانه‌ ئیسرائیل و ئه‌مه‌ریكایێ.

ده‌ست نیشان كر، ده‌ستهلاتا دادوه‌ی یا ئیرانێ ژ بۆ ڤێ جینایه‌تێ، جه‌زایێ ب دارڤه‌كرنێ ژ بۆ موسه‌وی ده‌ركرییه‌ و ل وه‌خته‌كا نێزیك ئه‌ڤ جه‌زا وێ وه‌ره‌ جی ب جی كرن.

ل ده‌ستپێكا ڤێ سالێ، قاسم سوله‌یمانی و ئه‌بو مه‌هدی موهه‌ندیس، جێگرێ سه‌رۆكێ ده‌سته‌یا حه‌شدا شه‌عبی، د ئێریشه‌كه‌ هه‌وایی یا ئه‌مه‌ریكایێ ده‌ ل نێزی باله‌فره‌خانه‌یا به‌غدایێ هاتن هه‌ده‌ف كرن، ئه‌ڤێ یه‌كێ كریزه‌كه‌ هه‌رێمێ چێكربوو‌.