ئیتالیا و یه‌ونانستانێ، لهه‌ڤهاتنه‌كه ل ده‌ربارا نیگارییا سینۆرێن ده‌ریایی ل نێڤبه‌را خوه ده ئیمزه كر، وه‌كه هه‌نگاڤه‌كێ ژ بۆ راوه‌ستاندنا هه‌ولێن ئه‌ردۆگان یێن ده‌ست ب سه‌ر داگرتنا گزیرته‌یێن یه‌ونانستانێ.
وه‌زیرێن كارێن ده‌رڤه یێن ئیتالیا و یه‌وناستانێ دوهـ رۆژا سێشه‌می 9/6/2020ان، لهه‌ڤهاتنا سه‌ر و ژ نوو ده‌ست نیشان كرنا سینۆرێن ده‌ریایی ل رۆژهلاتا ده‌ریا ناڤین ئیمز كرنه، ئه‌ڤ ولات ب نیازن ب ڤێ لهه‌ڤهاتنێ، رێ ل به‌ر سه‌رۆكێ تركیێ ره‌جه‌ب ته‌یب ئه‌ردۆگان بگرن كو دخوازه ب هێزێ ده‌ست ب سه‌ر ده بگره ژ به‌ر كو جییه‌كی پر مازۆت و غازه.
ل گۆر لهه‌ڤهاتنێ، ناڤچه و گزیرته‌یێن یه‌ونانستانێ ل ده‌ریا ئه‌یۆنی وێ ب ناڤچه‌یه‌كا ئابووری یا تایبه‌ت ب وی وه‌لاتی ڤه وه‌ره ناس كرن.
ئه‌ڤ یه‌ك ژی وێ رێ ل هه‌ولێن ئه‌ردۆگان بگره كو كارێن لێگه‌رینێ ل مازۆتێ و غازێ ل ور ب سه‌كنینه و گه‌میێن تركیێ ڤه‌كشینه.
سه‌رۆكێ تركیێ هه‌ولێن خوه ژ بۆ لێگه‌رینا مازۆتێ ل رۆژهلاتا ده‌ریا ناڤین ب تایبه‌ت ل به‌راڤێن قوبرسێ زێده كرنه، هه‌ر چه‌ند كو ئه‌مه‌ركایێ و یه‌كێتییا ئه‌ورۆپایێ گه‌ف لێ كرنه، لێ به‌لێ ده‌م بۆ ده‌مێ ده‌وله‌تا ترك گه‌میێن لێگه‌رین دشینه ور.
حكوومه‌تا تركیێ ل سالا رابووری و ژ بۆ كو گزیرته‌یێن یه‌ونانستانێ بخه ژێر كۆنترۆلا خوه، لهه‌ڤهاتنه‌ك ل گه‌ل حكوومه‌تا لیبیا ب سه‌رۆكتییا فائز سه‌راج ئیمزه كربوو، ژ بۆ كو ناڤچه‌یه‌كا بازرگانی و ئابووری ژ به‌راڤێن باشوورێ تركیێ هه‌یا باكۆرێ رۆژهلاتا لیبیایێ ل سه‌ر ده‌ریا ناڤین ئاڤا بكه، یه‌ونانستان ڤێ یه‌كێ ب خه‌ته‌ر دبینه.
