ئەنەکەسێ راگەھاند، کا چاوا رێکەفتنا ب پەیەدێ رە خزمەتا دۆزا کوردی دکە وەسا ژی خزمەتا پرسا سووریێ دکە.
ئەنجوومەنا نشتیمانیا کوردی ل سووریێ د داخویانییەکی دە بەرسڤا ھەژمارەکا کەسایەتی و بەرپرسێن دژبەرییا سووریێ دا، کو وان دژاتییا نێزیکاتییا پەیەدێ و ئەنجوومەنێ کربوو.
ئەنەکەسێ بەرسڤ ب داخویانییەکی دا و گۆت: رێکەفتن و نێزیکیا وان ل گەل پەیەدێ ب چ ئاست خزمەتا دۆسەیا کوردی دکە وەھا ژی خزمەتا سووریێ دکە و دەری ل پێشییا تەڤاھییا پێکھاتەیێن سووری ڤەدکە ھەیا ئالیکار و ھەڤبەشبن د خزمەتا خەلکێ ناڤچەیێ دە .
د داخویانیا خوە دە ئەنەکەسێ راگھاند: بەشداریا تەڤاھیا پێکھاتەیێن سووری بۆ پاراستنا ناڤچەیێ جھێ دل ئارامیێ یە و وێ پشتەڤانەک بە بۆ دژبەرییێ و چارەیا سییاسی ل وەلاتێ وان .
تەکەز کر ژی، ت ئالی نەکارن گۆمانان ل سەر رێبازا ئەنجوومەنێ دورست بکەن. ئەو ژ دەستپێکا کریزا سووریێ ل دژی زۆرداریێ و نەژادپەرەستییێ خەباتێ دکن.
