ل ڤان 2 باژارێن كوردستانێ 22 ئه‌ندامێن په‌كه‌كێ هاتن گرتن

ل ڤان 2 باژارێ كوردستانێ 22 ئه‌ندامێن په‌كه‌كێ هاتن گرتن

هێزێن ئه‌وله‌كاریێ یێن ده‌وله‌تا داگیركه‌ر یا تركیێ، ئیرۆ ژ بۆ لێگه‌رینێ ل ئه‌ندامێن په‌كه‌كێ، ئۆپه‌راسیۆن ل سه‌ر 36 ناڤ و نیشانان ل ئامه‌دێ پێكئانین و 22 شكبار بن چاڤ كرن.

چاڤكانیێن پێگه‌ها «داركا مازی» ل باكورێ كوردستانێ ئه‌شكه‌ره‌ كرن، ئیرۆ رۆژا پێنجشه‌می 11/6/2020ان، سەردۆزگەریا کۆمارێ یا ئامه‌دێ، ل دژی کەسێن كو ل دەر بارێ وان ده‌ ئاگاھی ھات ھلدان و ل سەر ناڤێ په‌كه‌كێ چالاکی کرنە و خەبات مەشاندنە، لێپرسین دا دەست پێ کرن.

هه‌ر و‌ها ده‌ست نیشان كرن، هێزێن شاخا تێکۆشینا ل دژی تەرۆرێ یا رێڤه‌برییا ئەولەکارییا ئامه‌دێ و باژارەکی دن ئۆپەراسیۆنا هه‌موه‌خت برن سەر 36 ناڤ و نیشانان.

د ئۆپەراسیۆنێ ده‌ 22 شکبار ھاتن بن چاڤ کرن، د لێگەرینا ناڤ و نیشانان ده‌ هنه‌ك چه‌ك و هه‌ژماره‌كه‌ دۆكیۆمه‌نتێن په‌كه‌كێ ده‌ست ب سه‌ر ده‌ هات گرتن.

پوستێن ھەمان بەش