سەناتۆرێ کۆماریخواز، میت رۆمنی کو پێش نها ب ئەرێ دەنگ ب ئیزۆلاسیۆن کرنا دونالد ترامپ دابوو، راگهاند کو جارەکە دن دێ ترامپ د هلبژاردنان دە سەرکەڤە و ببە سەرۆکێ ئاماریکایێ.
ل گۆرەی راپۆرا پیگەها فۆکس نیۆز میت رامنی ، سەناتۆرێ “ویلایەتا یۆتا” راگهاندیە کو ئەو ب باوەرە پارتیا کۆماریخواز دی سەیتەرا خوە ل سەر کۆنگرەیا ئاماریکایێ بپارێزە و ترامپ د مەها مژدارێ دە وێ جارەکە دن ببە سەرۆک کۆمارێ هلبژارتی ئێ ئامەریکایی.
ناڤبووری ب رۆژنامەڤانان رە راگهاند: «ئەز ب پشتراستی دبێژم، کو ئەمێ پڕانیا کۆنگرێ ب دەست خوە بخین. من د دەمێ بەرێ دە ئەڤ یەک پێشبینی کربوو کو دۆنالد ترامپ جارەکە دن وێ وەرە هلبژارتن و نها ژی ئەز هەر ڤێ یەکی دبیژم».
د داوی راپرسی یا کو ژ ئالیێ سازیا گلۆپ ڤە هاتبوو ئەنجامدان دۆنالد ترامپ ب هەڤبەرکرن دگەل مەها رابووری 10٪ ژ هەژێکرنا خوە ل جەم گەلێ ئامەریکایێ ژ دەست دایە، د راپرسیەک دن دە کو کانالی سی ئێن ئین ئەنجام دابوو جۆ بایدن ب 55٪ ئا دەنگان پێش دۆنالد ترامپ کەتبوو. ترامپ ل سەر ڤێ ئیدیئایێ راگهاند کو ئەو باوەر ناکە.
میت رامنی ل سالا 2012ان دە نامزەدێ پارتییا کۆماریخواز بوو د هلبژاردنێن سەرۆک کۆمارتیا ئاماریکایێ دە و ل همبەر باراک ئۆباما دە راستی شکەستنێ هات.
