زۆكه‌ربێرگ ئه‌ندازیاره‌كێ خوه‌ ژ بۆ خاترا ترامپی لادا

زۆكه‌ربێرگ ئه‌ندازیاره‌كێ خوه‌ ژ بۆ خاترا ترامپی لادا

شیركه‌تا فه‌یسبووكێ یه‌ك ژ مه‌زنه‌ ئه‌ندازیارێن خوه‌ ژ وه‌زیفێ ده‌رخست، وی ئه‌ندازیاری «مارك زۆكه‌ربێرگ» ره‌خنه‌ كربوو، ژبه‌ركو تو هه‌نگاڤه‌ك ل دژی پۆستێن دۆنالد ترامپی یێن ب توندوتیژ وه‌رناگره‌.

براندۆن دیل، ئه‌ندازیار ل شیركه‌تا فه‌یسبووكێ ئیرۆ رۆژا شه‌می 13/6/2020ان، ئه‌شكه‌ره‌ كر ئه‌و ب فه‌رمانا مارك زۆكه‌ربێرگ یێ خوه‌دیێ فه‌یسبووكێ ژ وه‌زیفێ هاتییه‌ ده‌رخستن، ژ به‌ر پشتگری ژ بۆ سلۆگانێن ته‌ڤگه‌را ژیانا ره‌شپیستان ل ئه‌مه‌ریكایێ نیشان دا یه‌، هه‌موه‌خت بێده‌نگییا زۆكه‌ربێرگ ل سه‌ر پۆستێن هه‌ڤدژ یێن دۆنالد ترامپ ره‌خنه‌ كرینه‌.

براندۆن دیل ل حه‌سابا خوه‌ یا تویته‌رێ نڤیساندییه‌: «پاش بوویه‌رێن ئه‌مه‌ریكایێ پشتی كوشتنا جۆرج فلویدی ژیان كرین، فه‌یسبووكێ تو ئالیگرییه‌ك نیشان نه‌دا، لێ به‌لێ ل هه‌مان ده‌مێ بێده‌نگی ل همبه‌ر پۆستێن دۆنالد ترامپی یێن باس ل كارێن دزین و تالانكرنێ ژ ئالیێ خوه‌پێشانده‌ران ڤه‌ تێن كرن، هلبژارتییه»‌.

تێ زانین هه‌مان پۆستێ ترامپی كو ل تۆرا تویته‌رێ ژی هاتبوو وه‌شاندن، تویته‌رێ سانسۆر كربوو و نیشانا توندوتیژیێ ل به‌ر دانا بوو، لێ به‌لێ ل تۆرا فێسبووكێ وه‌كه‌ خوه‌ مایه‌ و رێ پێ هاتییه‌ دایین كو پێترین خه‌لك ببینه‌، براندۆن دیل ژی ئه‌ڤ سیاسه‌تا فێسبووكێ ره‌خنه‌ كر، له‌وما ژ وه‌زیفێ هات ده‌رخستن.