پۆمپیۆ: ژ بۆ سەربەست بەردانا زیندانیێن ئه‌مەریکایی ل ئیرانێ تو پەرە مە نەدانە و نادین ژی.
مایک پۆمپیۆ وەزیرێ کارێن دەرڤە یێن ویلایەتێن یەکبوویی یێن ئه‌مەریکایێ، تەکەز ل سەر بەردەوامییا دانوستاندنێن د ناڤبەرا ئه‌مەریکایێ و ئیرانێ ده کر ژ بۆ ئازاد کرنا زیندانیێن دن ئێن ئەمەریکایی کو نها د ناڤا زیندانێن ئیرانێ دە نە.
پۆمپیۆ رۆژا پێنجشەمی 11/6/2020ان د داخوەیانییەکێ دە راگهاند، « مە ب زەلالی ئەڤ یەک دیار کرییە و راگهاندیە کو ژ بۆ ئازاد کرنا دیلێن خوە تو په‌رەیەکی نادین ئیرانی، پیویستە ئیرانییان رازی بکین کو فێم بکن (ئازادکرنا دیلان) کارەک دروست بوویە و ب رێ یێن چالاکیێن دیپلۆماتیک ئەڤ کارە هاتیە ئەنجام دایین».
وەزیرێ کارێن دەرڤە یێ ئه‌مەریکایێ هەر وها راگهاند، «فۆکسا مە ل سەر ڤێ یەکێ یە کو کەسێن مایی کو هێژان د ناڤا ئیرانێ دە نە ئازاد بکین و د یەکەمین دەرفەت دە وان ڤەگەرینین مالێن وان».
هێژایی گۆتنێ یە کو د نها دە چەندین هەمولاتی یێن ئه‌مەریکایێ وەکە سیامەک و باقر نمازی، مراد تاهباز و هنەک هەمولاتی یێن نە ئه‌مەریکی وەکە نازەنین زاگری، ئەخمەد رەزا جەلالی، ئەنۆشە ئاشۆری و کایلی مۆر گیلبرت، د ئیرانێ دە د زیندانێ دەنە.
شیرۆڤەکارێن دەولەتێن رۆژئاڤایی دبیژن ئیران ژ کەسێن خوەدی دو رەگەزنامە وەکە دیل ئیستیفادە دکە داکو ژ وەلاتێن رۆژئاڤایی پەرەیان وەرگرە.
