به‌رپرسه‌كێ په‌كه‌كێ كه‌ت به‌ر ئێریشا باله‌فران

به‌رپرسه‌كێ په‌كه‌كێ كه‌ت به‌ر ئێریشا باله‌فران

به‌رپرسه‌كێ دن یێ پارتییا كاركه‌رێن كوردستانێ، ئیرۆ ل باكورێ ولات د ئێریشه‌كه‌ ده‌وله‌تا تركیێ ده‌، جانێ خوه‌ ژ ده‌ست دا كو د لیستا داخوازكرییان ده‌ بوو.

ل گۆر چاڤكانیێن پێگه‌ها «داركا مازی» ل باكورێ كوردستانێ، ئیرۆ رۆژا یه‌كشه‌می 14/6/2020ان، هێزێن ئه‌وله‌كاریێ یێن ده‌وله‌تا تركیێ ئۆپه‌راسیۆنه‌ك ل فاراشینا ناڤچه‌یا هه‌كاریێ و ل سینۆرێ ئامه‌دێ پێكئانی و 3 گه‌ریلایێن په‌كه‌كێ جانێ خوه‌ ژ ده‌ست دا.

یه‌ك ژ وان گه‌ریلایان، به‌رپرسه‌كێ په‌كه‌كێ بوو ب ناڤێ «ئه‌كره‌م‌ ئیپتاش»، وی د لیستا ره‌نگ پرته‌قالی یا ده‌وله‌تێ ده‌ جی دگرت، ملیۆن لیره‌ ژ بۆ ده‌سته‌سه‌ر كرنا وی هاتبوون ته‌رخان كرن.

چاڤكانیێن پێگه‌ها «داركا مازی» ئه‌شكه‌ره‌ كر كو «ئه‌كره‌م ئیپتاش» د ئێریشه‌كه‌ ئاسیمانی ده‌ ل ناڤچه‌یا فه‌راشینێ هات هه‌ده‌ف كرن.

مه‌دیا پارتییا كاركه‌رێن كوردستانێ، تو زه‌لالییه‌ك ل ده‌ربارا جان ژ ده‌ست دانا «ئه‌كره‌م ئیپتاش» هه‌یا نها نه‌وه‌شاندنه‌.