ههژمارهكه چهكدارێن نهناس كری، ئیرۆ شهرڤانهكێ هێزێن سووریایا دهمۆكراتیك رهڤاندن، سۆز ژی ب مالباتا وی دا كو وی زوو بكوژن.
چاڤكانیێن پێگهها «داركا مازی» ل رۆژئاڤا كوردستانێ ئهشكهره كرن، ئیرۆ رۆژا یهكشهمی 14/6/2020ان، ههژمارهكه چهكدارێن نهناس كری، ب سهر تاخهكێ باژارۆكێ «السحیل» یێ رۆژهلاتا دیرازوورێ ده گرتن، شهرڤانهكێ ههسهدێ ل پێش چاڤێن خهلكی رهڤاندن.
ل گۆر ئاگاهیێن كو هاتنه ب دهست خستن، چهكداران ل وهختا كو ئهو شهرڤانێ ههسهدێ رهڤاندن، ب مالباتا وی ره گۆتن: «سۆز به ئهمێ زوو وی بكوژن و هوونێ جهسهدێ وی وهربگرن».
هێزێن سووریایا دهمۆكراتی تو ئاگاهی ل دهربارا بوویهرا رهڤاندنا وی شهرڤانێ خوه نهوهشاندنه، ههیا نها ژی نههاتییه زانین كانێ ئهو چهكدار یێن تو ئالییهكێ نه.