گۆتەبێژێ لەشکرێ نەتەوهیی یێ لیبیایێ، سەرۆک کۆمارێ ترکیێ ب بەرپرسیارێ کۆمکوژییا باژارێ ترهۆنە دا ناساندن و داخواز کر ئهو وەکە جینایەتکارێ جەنگ وەرە دادگەهـ کرن و هەر وەها داخواز ژ گەلێ ترکیێ کر وی سزا بدن.
ئەحمەد ئەلمسماری راگهاند، ب پشتەڤانییا ترکیێ جینایەتێن ل دژی مرۆڤان ل لیبیایێ دهێن ئەنجام دان، د ڤێ دەربارێ دە داخواز کر ئەردۆگان ژ بەر ئەنجام دایینا جینایەتێن شەر د ناڤا خاکا لیبیایێ دە وەرە دادگەهـ کرن.
ئەل مسماری هەڤدەم دگەل ئاماژە دان ب ڤێ یەکێ کو سەرۆک کۆمارێ ترکیێ هەرتم هێڤی دکە پەترۆلا لیبیایێ بێخە بن چەنگێن خوە، گارانتی دا کو هەر وەک ئەردۆگان د داگیر کرنا باژارێ سرت دە شکەستی، وێ د د دەستڤەئانینا ڤێ خواستەکا خوە ژی ده راستی شکەستنێ وەرە.
ئەلمسماری هەر وەها راگهاند کو ل ناڤچەیێن خوەدی پەترۆل یێن لیبیایێ، شیرکەتێن بیانی کار دکن و هەر هەولدانەک ژ بۆ دەستدانینە سەر ڤان ناڤچەیان وێ وەکە دەستدرێژی ژی ژ بۆ سەر ناڤچەیەک ناڤدەولەتی وەرە مێزە کرن.
ناڤبووری راگهاند، رەوشا لەشکری ل گۆر بەرنامەیا هاتی دانین ژ ئالیێ فەرماندارییا گشتی ب رێڤە دچە و د ڤێ دەربارێ دە ژ بۆ هەر قۆناغەکێ پلانەک هاتییە دانان.
ئەلمسماری راگهاند، ئەردۆگان پێکۆلێ دکە رەوشێ ب هێزێن خوە و هنارتنا چەکێن دن یێن ترکیێ د بەرژەوەندییا خوە دە بگوهەرە.