رێخستنا پهكهكێ سیاسهتهكه وها د مهشینه كو ههر كادرۆیهكێ وهختا موهیما وی ب داوی دبه، یان وهختا هنهكی پێش بكهڤه، ب خهتهر ل سهر رێخستنێ دبینه، میناك پرن، لێ بهلێ ئهمێ د ڤێ نڤیسێ ده باس ل «جوان عهرهب» بكین، كانێ ب تو ئاوا پهكهكێ ئهو وهكه رێڤهبهرێ گشتی یێ ئاساییشا رۆژئاڤا وهزیفه دار كر و چما پاش دهمهكێ ئهو تهسفیه كر؟
چاڤكانیێن پێگهها «داركا مازی» ل رۆژئاڤا كوردستانێ تهعقیبا ڤێ بابهتێ كرنه و پێزانینێن ههری تایبهت ب دهست خستن كانێ ژ دهستپێكێ ڤه «جوان» ب تو ئاوا دبه رێڤهبهرێ ئاساییشێ و ب تو ئاوا تێ تهسفییه كرن.
ژ زێرهڤانێ جهمیل باییكی بۆ رێڤهبهرێ ئاساییشا گشتی یا رۆژئاڤا
جوان ئیبراھیم ب كۆد ناڤێ «جوان عهرهب» تێ ناسین، پشتی ئهو تەڤلی پهكهكێ بووی، دهمهكی ل چیایی مایە و وهك زێرهڤان و موخابهره ل چیایی کار کرییە، ئهو نێزیکی جەمیل باییکی بوو، لێ زێدە د ناڤ ھاڤالان دا نەدھاته ناس کرن.
پشتی شۆرشا ل رۆژئاڤا بهر ب پێش چووی، «جوان» ژی كو وەک کادرۆیەکی رۆژئاڤایی یه و خەلکێ ھەسەکێ یە، دچە رۆژئاڤا، پاش دەمەکێ دبە بەرپرسێ گشتی یێ ئاساییشا رۆژئاڤا.
جوان گەلەك تشت ل رۆژئاڤا ل ھەمبەری کەسێن دژی پهكهكێ و تەڤ – دەمێ کرن، ئهڤ دژبهر ب فهرمانا «جوان» دھاتن گرتن، کەسێن كو ب دهست ئاساییشا رۆژئاڤا دهاته بهرزه كرن و سزایێن نەدیار ژ بۆ دهردكهتن، «جوان» ب بهرپرسیار د ھاتە زانین.
«جوان» د ناڤ ئاساییشا رۆژئاڤا دا خوە ئانی ئاستەکە بلند کو ئێدی دکاری ل ھمبەر یهپهگێ ب سەکنە و تهنازول ژی ژبۆ رێڤەبەرییا رۆژئاڤا نە دکر، وی دەستەیەک ژ خوە را دروست کر بوو کو گهشتبوو ئاستەکی وها كو ئاساییش ب تەمامی ئێخستبوو ژێر کۆنترۆلا خوە.
«جوان» کەسەکی خوەجھـ ئانی د ناڤا ئاساییشێ دا و وی كهسی خوه وهكه «سهیدهك» دابوو ناساندن، گەلهك کادرۆیان خوه وەک مریدێن وی قەبوول کرن، ئەڤ کەسه کو ب رێکا جوان ھاتبوو تهنزیم کرن، پشتی دەمەکێ رێڤەبەرییا پهکهکێ یا قەندلیێ ئەڤ کەس ب خەتەر دیت، ئەڤه ژی تهرزێ پهكهكێ یه کو ههر ئێكێ ھنەکێ پێش بکەڤە، پهكهكه زوو مایتێكرنێ تێدا دکە و ئیمها دكه.
پهكهكێ ب بهھانهیا جڤین و پەروەردێ «جوان» کێشان چیا و پشتی پەروەردێ رێ لێ گرتن و نەھشتن بزڤرە رۆژئاڤا و ئێدی ب تەعلیماتێن رێڤەبەرییا قەندیلێ، مایتێكرن د رێڤهبهرییا ئاساییشێ دا ھات کرن.
ل ڤێ قۆناغێ، «بژار» ب فهرمانا قهندیلێ رێڤەبەرییا بەرێ یا ئاساییشێ و كهسێن کو ب جوان ره کار کری، ههر وها مریدێن وی کەسێ خوە وەک «سهید» دایە ناس کرن، ژ سەر کار گرتن و ئاڤێتن زیندانێ.
رێڤەبەرێن ئاساییشێ وەک «مەم» کو کادرۆیەکێ کهڤنە و دیسان ھەڤالا ژن «کینەم» كو ئەو ژی د رێڤهبهرییا ئاساییشا گشتی دا بوون، كهتنه ژێر لێكۆلین و زیندان كرنێ.
ئەڤێ مایتێكرنێ رۆژەڤەکا سەرەکی د ناڤا کادرۆیێن رۆژئاڤا دا چێکر، «سابری ئۆک، رێڤهبهرییا رۆژئاڤا و ههروها كۆمیتا پهكهكێ یا رۆژئاڤا»، نەکارین ڤێ گرفتێ د ناڤ کادرۆیان دا بدن ئیقناع کرن، ژ بۆی وێ ژی دۆران کالکان ب خوە مایتێكرن کر و چوو رۆژئاڤا کۆنفەرانس و جڤین ژ کادرۆیان را چێکرن و پێڤاژۆیا پلاتفۆرمێن کادرۆیان دا دەست پێ کرن و ژ نووڤە سەرراستکرنا کادرۆیان ھات چێکرن، ھنەك کادرۆ ھاتن گرتن و ھنەک کێشان چیا و ھنەک ژ نووڤه ئەرکدار کرن.
رهوش د ناڤا کادرۆیێن رۆژئاڤا دا گها بوو ئاستەکی وهها کو کۆنترۆل ل سەر کادرۆیان نە دھات کرن، ژ بۆ وێ ژی کۆمینێن كادرۆیان ژبۆ ئسترههتێ هاتن چێكرن ئانكو (جهێن ب ههڤرا ژیانێ) ژ بۆ كو کادرۆ د ناڤ مالێن گهل دا نەرازن و کادرۆ تشتێ موخالیف نەکن، تەلەفۆنێن پێشکەتی ب کار نەئینین و ژ گەلەك تشتێن دی یێن کەیفی مهحرۆم كرن، ژ بۆ كو ھەرتم ب پەروەردێ و کاری ڤە مژوول ببن، ئەگەر موخالفیەک ل گەل ئێكی چێببا ژی دا راپۆرێ ژۆر بکن، ب گۆتنه دن، (یانی جاسۆستییا ھەڤ بکن).
پهكهكێ جوان كێشا چیا و ل گارهی هشت، ل پاییزا 2018ان هات زانین كو تهیارێن تركان لێدانه
پهكهكێ پاش ڤێ مایتێكرنێ، «جوان» ژ بۆی دەمەک درێژ ل چیایی ل ناڤچهیا گارە ھشتن، لێ بهلێ ل گۆر ئاگاهیێن ههری تایبهت كو ب دهست پێگهها داركا مازی كهتنه، هاته بهیستن كو ل پاییزا 2018ێ : «تەیارێن ترکان لێ دانە و ئەو کەس د ژیانێ ده نامەیە»، لێ بهلێ پهكهكێ ئهڤ یهك ئیلان نهكر.
یا راست چارهنڤیسا «جوان» نەدیارە کانێ راستی ژی بالهفران لێدایە یان ژی پهكهكێ تهسفییه كرییه، ژ بهر كو رێڤهبهرییا پهكهكێ ئەو وەک چەتە دابوو نیشان دان و ھەر تم د ناڤا پەروەردە و جڤینان دا د کەتە رۆژەڤا رێخستنێ ده.
پرسا ل ڤر تێ كرن ئهڤه، گهلۆ سەبەب چیە کو ئەڤ کەس ھەیا نها نە ب شەھید ھات ئیلان کرن و نە ژی چارهنڤیسا وی دیاره؟.
بهرسڤ ژی ئهڤه كو تشتێ تێ تەخمینکرن ب ئھتمالەکە پر مهزن، ئەڤ تشتێ پهكهكێ و ئاساییشێ ل رۆژئاڤا كری، ب کوشتنا جوان وەرە ووندا کرن.
