ژ تركیێ خوه‌ست له‌شكرێن خوه‌ پاشده‌ ب زڤرینه‌

ئیراقێ ژ تركیێ خوه‌ست له‌شكرێن خوه‌ پاشده‌ ب زڤرینه‌

حكوومه‌تا ئیراقا فه‌ده‌رال، ئیرۆ جاره‌كه‌ دن بالیۆزێ تركیێ یێ ل به‌غدایێ بانگ كر و یاداشته‌كه‌ نه‌رازیبوونێ ل ده‌ربارا ئێریشێن داگیركه‌ریێ ل سه‌ر باشوورێ كوردستانێ پێ دا.

ل گۆر داخوه‌یانیێ، ئیرۆ رۆژا پێنجشه‌می 18/6/2020ان، وه‌زاره‌تا كارێن ده‌رڤه‌ یا ئیراقێ، بالیۆزێ تركیێ «فاتح یلدز» بانگ كرییه‌ و نه‌رازیبوونا ئیراقێ ب فه‌رمی د یاداشته‌كێ ده‌ پێ دایه‌.

د یاداشتا ئیراقێ ده‌ هاتییه‌: «ئه‌م ب توندی ئێریشێن سه‌ر ناڤچه‌یێن سینۆری شه‌رمه‌زار دكین، ئه‌ڤ ئێریش ژێر پێ كرنا رومه‌تا ئیراقێ یه‌، ئه‌م د خوازن تركیه‌ هێزێن خوه‌ ڤه‌كشینه»‌.

ئه‌ڤ جارا دویه‌مینه‌ د دو رۆژان ده‌، وه‌زاره‌تا كارێن ده‌رڤه‌ یا ئیراقێ، بالیۆزێ تركیێ بانگ دكه‌ و نه‌رازیبوونا خوه‌ ژ ئێریشێن سه‌ر باشوورێ كوردستانێ دگهینه‌.

ده‌وله‌تا داگیركه‌را ترك، ل شه‌ڤا 15 سه‌ر 16/6/2020ان، مه‌زنترین ئێریشا سه‌ر په‌كه‌كێ ل باشوورێ ولات ب تایبه‌ت ل ناڤچه‌یا حه‌فته‌نینێ و شه‌نگالێ ده‌ست پێ كر، پشتره‌ ئۆپه‌راسیۆنه‌كه‌ دن یا په‌ژاهی ده‌ست پێ كر و ئه‌سكه‌رێن تركان ده‌رباسی حه‌فته‌نینێ بوونه‌.