گوندێ «سه‌رگه‌لێ» ل باشوورێ ولات كه‌ت به‌ر ئێریشا باله‌فران

ئه‌ڤ هه‌ردو جهه‌ ل ده‌ڤه‌را نهێلییا هاتن بۆردۆمان كرن

ئێریشێن ده‌وله‌تا داگیركه‌را ترك ل سه‌ر باشوورێ كوردستانێ د دۆمن، ئیشه‌ڤ ئاقارێ گونده‌كی دن یێ دهۆك كه‌ت به‌ر ئێریشان.

چاڤكانیێن پێگه‌ها «داركا مازی» ل باشوورێ كوردستانێ ئه‌شكه‌ره‌ كرن، ئیشه‌ڤ 19/6/2020ان ب تایبه‌ت ل ده‌مژمێر 11:15 هه‌یا 11:35 خوله‌ك، باله‌فرێن ده‌وله‌تا تركیێ د ته‌عقیبا حه‌ره‌كه‌تێن په‌كه‌كێ ده‌، ئاقارێ گونده‌كی ده‌ڤه‌را نهێلێ بۆردۆمان كر.

هه‌روه‌ها ده‌ست نیشان كر، ناڤچه‌یێن «بن گه‌لی و گركێ جهیا» كو ب ئاقارێ گوندێ «سه‌رگه‌لێ» ل ناڤچه‌یا دێره‌لۆك و گرێدای ده‌ڤه‌را نهێلێ تێن حه‌ساب كرن، كه‌تن به‌ر ئێریشان.

ل گۆر ئاگاهیێن ده‌ستێ مه‌، باله‌فران 2 مۆشه‌ك ل وان جیان دانه‌، هێژان ژی زرار نه‌هاتن ئه‌شكه‌ره‌ كرن.

ئیرۆ رۆژا ئینی، باله‌فرێن ده‌وله‌تا داگیركه‌ر بۆ جارا سێیه‌مین گوندێن سینۆرێ دهۆكێ دكه‌ ئارمانج، 3 هه‌مولاتیێن سڤیل كو هه‌موو خۆرت بوون ل نێزی گوندێن خوه‌ ل ده‌ڤه‌را نێروه‌ رێكان و به‌رواری بالا شه‌هید كه‌تنه‌، په‌كه‌كه‌ ژی ژ بۆ كو خوه‌ ژ باله‌فران بپارێزه‌، حه‌ره‌كه‌تێن خوه‌ خستنه‌ ناڤا گوندان و ئه‌ڤ یه‌ك دبه‌ سه‌ده‌ما زرارێن جانی ژ بۆ روونشتڤانێن گوندێن باشوورێ ولات.