یه‌كه‌م به‌رسڤا په‌كه‌كێ ژ بۆ لهه‌ڤهاتنا رۆژئاڤا
كوگه‌هه‌كه چه‌ك و ته‌قه‌مه‌نیێن هێزێن سووریایا ده‌مۆكراتیك ل رۆژئاڤا ولات ته‌قیا و زرارێن مه‌زن چێبوون، هه‌رچه‌ند كو هات ئیلان كرن ئه‌ڤ ته‌قین ب سه‌ده‌ما كۆنفلێكه‌ته‌كه كه‌هره‌بێ بوو، لێ به‌لێ گومان هه‌یه ئه‌ڤ یه‌كه‌م به‌رسڤا په‌كه‌كێ به ژ بۆ لڤهه‌هاتنا دیرۆكی یا «كوردی – كوردی».
چاڤكانیێن پێگه‌ها «داركا مازی» ل رۆژئاڤا ولات ئه‌شكه‌ره كرن، ئێڤارا دوهـ رۆژا یه‌كشه‌می 21/6/2020ان ب تایبه‌ت ل ده‌مژمێر 7:00 كۆگه‌هه‌كه چه‌ك و ته‌قه‌مه‌نیێن هێزێن سووریایا ده‌مۆكراتیك هه‌سه‌دێ، ل باژارۆكێ رمێلان گرێدای قه‌زا دێركێ ته‌قیا، زرارێن هه‌ری مه‌زن چێبوون.
شه‌واتا كو ب سه‌ده‌ما ته‌قینێ چێبووی هه‌یا ده‌مژمێر 10:00 شه‌ڤ ده‌وام كر، زرارێن جانی نه‌هاتنه ته‌سبیت كرن، لێ به‌لێ حه‌ره‌كه‌تا هه‌ژماره‌كه هه‌ری زێده یا ئامبولانسان ل ور هات دیتن، له‌وما دبه كو زرارێن جانی د ناڤا ئه‌ندامێن هه‌سه‌دێ ده هه‌به.
هێزێن ئاساییشا رۆژئاڤا جیێ ته‌قینێ دۆرپێچ كرن و نه‌هشتن تو كه‌س ده‌رباس ببه و هه‌موخت ژ ور ده‌ربكه‌ڤه.
ل گۆر ئاگاهیێن ده‌ستێ مه، هه‌ر چه‌ند كو هات ئیلان كرن ئه‌ڤ ته‌قین ب سه‌ده‌ما كۆنفلێكه‌ته كه‌هره‌بێ چێبوویه، لێ به‌لێ گۆمان هه‌یه ده‌ستێ په‌كه‌كێ ل پشت به و ئه‌ڤ یه‌كه‌م به‌رسڤا رێڤه‌به‌رییا قه‌ندیلێ به ژ بۆ لهه‌ڤهاتنا دیرۆكی یا ل ناڤبه‌را پارتیێن یەکێتییا نشتمانییا کوردی و ئەنجوومەنا نشتمانی یا کوردی ل سووریێ ئەنه‌کسێ كو ل 17 ڤێ مه‌هێ قۆناخا یەکەمینا دیالۆگێن یەکێتیێ ب داوی كرن و گھشتنە نه‌رینەکە سیاسی یا ھەڤپار كو بنگه‌ها خوه ژ«پەیمانا دھۆکێ» وه‌ردگره.
