ب سەدەما پەکەکێ دو گوندێن دن ل باشوور هاتن چوولکرن

ب سەدەما پەکەکێ دو گوندێن دن ل باشوور هاتن چوولکرن

ب سەدەما ئێریشا دەولەتا ترکیێ و ب بەهانە دانە دەست ڤێ دەولەتێ ژ ئالیێ رێخستنا پەکەکێ ڤە، دو گوندێن دن ل باشوورێ کوردستانێ هاتن چوول کرن و شێنیێن ڤان گوندان دەربەدەری قەزا زاخۆ و پارێزگەها دهوکێ بوون.

چاڤکانیێن پێگەها «دارکا مازی» ل باشوورێ وەلات ئیرۆ رۆژا دوشەمی 22/6/2020ان ئەشکەرە کرن کو ب سەدەما دەرکەتنا شەر دناڤبەرا ئارتەشا ترکیێ و چەکدارێن سەر ب رێخستنا پەکەکێ ڤە هەر دو گوندێن “کەشانێ و شیلانێ” ئێن سەر ب دەڤەرا گولییان ڤە ل سینۆرێ باژارێ زاخۆ هاتن چوولکرن و شێنیان ئەڤ گوند تەرکاند.

چاڤکانیێن پەگەها «دارکا مازی» ئەڤ یەک ئەشکەرە کرن کو پشتی ئیرۆ چەکدارێن پەکەکێ چوویە ناڤا ڤان دو گوندان دە کو دکەڤن جیەکە نزم و گولە بەردای بلنداهیێن چییا کو لەشکەرێن ترکیێ لێ هەنە، لەشکەرێ ترکیێ ئەڤ دو گوند بۆمبەباران کرن و شێنیێن گوند نەچار مان ڤان گوندان چوول بکن.

ب بەرچاڤ وەرگرتنا جیێن کو لەشکەرێ ترک لێ هەنە و گوندان ئەڤ یەک ب زەلالی دیار دبە کو ئارمانجا پەکەکێ ب تەنێ ئەڤ بوویە کو شەر دەرکەڤە و هنەک شێنیێن ڤان گوندان شەهید ببن، داکو بکارن د مەدیایا خوە دە بازارەک سیاسی ل سەر خوینا وان بکن، ژبەرکو ئەڤ دو گوند دکەڤن ناڤچەیێن نزم، بەرەڤاژی لەشکەرێن ترکیێ کو نها د چارچووڤێ ئۆپەراسیۆنا “چەنگێ باز” ل سەر چیانە و ب تو ئاوا ب تەقەیان پەکەکە نکارە زرارێ بگهینە وان لەشکەران.

پێگه‌ها «داركا مازی» ژ ده‌ستپێكا وه‌شانا خوه‌ ب ده‌هان مژار د به‌شا «نهێنی» ده‌ ل سه‌ر پیلانێن په‌كه‌كێ یێن خزمه‌تکرنا ده‌وله‌تا ترك ل باشوورێ كوردستانێ پارڤه‌كرنه‌ و تێدە ئەشکەرە کریە كانێ ب تو ئاوا په‌كه‌كه‌ دخوازه‌ مه‌یدانا جه‌نگێ ژ خه‌تا سینۆر قۆناغ ب قۆناغ ده‌رباسی گوند و باژارێن باشوور بكه‌، میناك مژارا «کۆمارا زاپێ و ده‌ستپێكا هه‌ولێن په‌كه‌كێ بۆ ژناڤبرنا باشوورێ كوردستانێ».

هه‌ر وها مژارا «په‌كه‌كه‌ پرا ده‌رباسبوونا تركیێ بۆ باشوورێ كوردستانێ»، د ئێریشا ڤێ داویێ ده‌ ژی راستییا وان مژاران پێتر زه‌لال دبه‌