ل عەفرینێ تەقین چێبوو، کوشتی و بریندار هەنە

ئیرۆ رۆژا چارشەمی رێکكەفتی 24/6/2020ان تەقینەک ل باژارێ عەفرینێ ل رۆژئاڤا کوردستانێ چێبوو و ب سەدەما ڤێ تەقینێ، 4 کەسان جانێ خوە ژ دەست دا و 5 کەسێن دن بریندار بوون.

ل گۆر ئاگاهیێن چاڤكانیێن پێگەها «دارکا مازی» ل رۆژئاڤا كوردستانێ، ئەڤ تەقین ل تاخا مەحموودیێ یا باژارێ عەفرینێ ب رێیا مۆتۆرسیکلەکێ ھاتییە کرن.

ئەڤ تەقین د دەمەکێ دە یە، رۆژا 20ێ ڤێ مەھێ ژی تەقینەکە دن ل تاخا ڤێلاتی یا عەفرینێ ھاتبوو کرن و د ئەنجامێ دە 5 کەسێن سڤیل بریندار ببوون، 3 ژێ زارۆك بوون.

ژ دەما داگیرکرنا عەفرینێ ژ ئالیێ ئارته‌شا ترکیێ و گرۆپێن چەکدار ڤە د 18ێ ئادارا 2018ان دە، رەوشا ئەولەھییا ھەرێما عەفرینێ ب یەکجاری تێک چوویە و ھەر جار تەقین د ناڤا باژێر دە تێن کرن و خەلکێ سڤیل دبن قوربانی.