پۆلیسێن ترک گەفا کوشتنێ ل ئاکتیڤیستا تەڤگەرا ژنێن ئازاد (TJA) کر و ئیشکەنجە لێ کرن!

پۆلیسێن ترک گەفا کوشتنێ ل ئاکتیڤیستا تەڤگەرا ژنێن ئازاد (TJA) کر و ئیشکەنجە لێ کرن!

د کێلیا لێگەرینا ل مالا سەڤیل رۆژبین چەتین دە پۆلیسان ئەو ب ڤان گۆتنان تەھدیت کر: “مالا تە ل قاتا پێنجان بوویا مەیێ تە باڤێتا خوارێ.” ھەر وھا پۆلیسان ب کوچکان ئیشکەنجە ل چەتین کریە و وێنەیێ وێ گرتنە.

ئەنداما دەستەیا رێڤەبەریێن خوەجھی یا دەمۆکراتیکا پارتیا دەمۆکراتیکا گەلان (هەدەپێ) و ئاکتیڤیستا تەڤگەرا ژنێن ئازاد (TJA) سەڤیل رۆژبین چەتین د دەربارێ دۆزەکێ دھات دارزاندن دوھ پۆلیسان ب سەر مالا وێ دە گرتن و ئەو بنچاڤ کرن. ھات زانین کو پۆلیسان د کێلیا لێگەرینا ل مالا چەتین دە ئیشکەنجە لێ کر و ھەر وھا ب کوچکان ژی ئیشکەنجە لێ کرن. تێکلداری ئیشکەنجەیا ل چەتین ھات کرن، وەکیلا سەرۆکا کۆما هەدەپێ مەرال دانش بەشتاش داخویانی دان چاپەمەنیێ.

ھەر وھا ھات زانین کو د کێلیا لێگەرینا ل مالا سەڤیل رۆژبین چەتین دە پۆلیسان ئەو ب ڤان گۆتنان تەھدیت کر: “مالا تە ل قاتا پێنجان بوویا مەیێ تە باڤێتا خوارێ.”

ب کوچکان ئیشکەنجە!

دانش بەشتاش دیار کر رۆژبین د شەرت و مەرجێن ئاوارتە دە ھاتیە بنچاڤکرن و گۆت: “مالا رۆژبینێ ژ ئالیێ پۆلیسان ڤە ھاتیە دۆرپێچکرن. ھەموو جیرانێن رۆژبینێ ژ ئالیێ پۆلیسان ڤە ھاتنە تەھدیتکرن. پۆلیسان دەما رۆژبین د مالێ خوە دە تەنێ بوویە، پێشی دو حەب کوچک شاندنە مال و پۆلیسان کوچک وەکی ئاموورێ ئیشکەنجەیێ بکار ئانینە. پۆلیسان ل گەل کوچکان د ھوندرێ مالێ دە سێ سائەت و نیڤ ئیشکەنجە ل رۆژبینە کرنە. ھەر وھا دوھ ٢٦ێ خەزیران رۆژا پشتەڤانیا ل دژی ئیشکەنجەیێ بوو کو رۆژبین ب ئیشکەنجەیێ رە رووبروو مایە.”

بەشتاش د ئاخافتنا خوە دە وێنەیێن چەتین نیشان دا و دا زانین کو پۆلیسان کولم ل چاڤێ وێ یێ چەپێ دایە و گۆت: “د رانێ وێ دە شوونا درانێن کوچکان ھەیە. ل سەر پشتا وێ ژی شوونا پێلاڤان ھەیە. ل ھەر جھێ لاشێ وێ شۆپێن ئیشکەنجەیێ ھەیە. ل گەل ئیشکەنجەیا فیزیکی ئیشکەنجەیا دەروونی لێ کرنە. چاڤێن وێ گرێدانە و گەف لێ خوارنە.”

Rojbîn Çetîn