سێ كۆلبه‌رێن كوردیێن رۆژهلاتا كوردستانێ، ئیرۆ ب ده‌ست سپایێ پاسدارێن ئیرانێ هاتن هه‌ده‌ف كرن، یه‌ك ژێ جانێ خوه ژ ده‌ست دا و دو بریندار كه‌تنه.
رێخستنا هه‌نگاویا مافێن مرۆڤانیا رۆژهلاتا ولات به‌لاڤ كر، ئیرۆ رۆژا یه‌كشه‌می 28/6/2020ان هێزێن سپایێ پاسدارانیێ ره‌ژیما ئیرانێ، گوللـه به‌ردان 3 كۆلبه‌ران ل سینۆرێ باژارۆكێ «سلێڤانا»یێ گرێدای پارێزگه‌ها ئۆرمیێ، یه‌ك ژێ جانێ خوه ژ ده‌ست دا و دو بریندار كه‌تنه.
یه‌ك ژ كۆلبه‌رێن كو هاتییه هه‌ده‌ف گرتن، ب ناڤێ «سالم سوله‌یمان نه‌ژاده» كو جانێ خوه ژ ده‌ست دایه و یه‌كێ دن ب ناڤێ «داوود مه‌جیدیان» كو ب دژواری بریندار كه‌تییه، ناسنامه‌یا كۆلبه‌رێ دن هینا نها ئه‌شكه‌ره نه‌بوویه.
