ل سینۆرێ مەغۆلستانێ دگەل رووسیێ تاعۆن بەلاڤ دبە

ل سینۆرێ مەغۆلستانێ دگەل رووسیێ تاعۆن بەلاڤ دبە

ل گۆر چاڤکانیێن مەدیایی، رایەدارێن مەغۆلستانێ ل پەی ناسینا دو حەب کەسێن ب تاعۆنێ کەتی، ل هنەک ناڤچەیێن ڤی ولاتی دگەل رووسیێ تەدبیرێن توند ئێن قەدەغەیا چوون و هاتنێ راگهاندینە.

مەدیایا فەرمی یا مەغۆلستانێ ئەشکەرە کرن، سینۆرێن رۆژئاڤایێ مەغۆلستانێ هاتینە کارانتینە کرن و چوون و هاتنا وەسائیتێن گشتی ل ور هاتینە قەدەغەکرن.

ئەڤ تەدبیرێن توند پاش ڤێ یەکێ هاتن کو دو ژن و مێرێن گەنج ل مەغۆلستانێ پشتی کو گۆشتێ چێلەکان خواری ب تاعۆنێ کەتن و نها ل نەخوەشخانەیێ هاتینە رازاندن.

سالا رابووری ژی ل یەک ژ ناڤچەیێن مەغۆلستانێ سێ کەس ب تاعۆنێ کەتن، پشتی ڤێ یەکێ بوو کو هات ئەشکەرە کرن ئەڤ نەخوەشی ل ولاتێ چینێ ژی پەیدا بوویە.

ئەشکەرە بوونا خەبەرێ بەلاڤبوونا تاعۆنێ هەڤدەمە دگەل خەبەرێ دەرکەتنا ڤیرۆسەک نوو ئێ بەرازان کو ل چێنێ پەیدابوویە، هەرچەند هەیا نها نەهاتیە هین بوون ئەڤ ڤیرۆس ژ مرۆڤان بۆ مرۆڤان تێ ڤەگوهاستن یان نە، لێ بەلێ ترسەکە مەزن ل جیهانێ دروستکریە، ژبەرکو نها جیهان ب ڤیروسا کورۆنایێ ڤە مژوولە و هەیا نها تو ڤاکسینەک ژ بۆ ڤێ ڤیروسێ نەهاتیە دیتن.