بەردەڤکێ وەزارەتا دەرڤەیا ئیراقێ راگھاند کو ئۆپەراسیۆنا سەربازی یا ترکیێ ھەڤکار نابە ژ بۆ “ھەولێن ھەڤبەشێن رووبرووبوونا تەرۆرێ” و دیار کر کو ھەموو بژاردە ل بەر ئیراقێ ڤەکرینە بۆ ل دژ دەرکەتنا بنپێکرنا سەروەریا وەلات.
ئەحمەد سەحاف، بەردەڤکێ وەزارەتا دەرڤە یا ئیراقێ راگھاند، ب شەرمەزارکرن، یاداشتنامەیێن نەرازیبوونێ و ڤەخوەندنا بالیۆزێن ترکیە و ئیرانێ، دەست ب ھەولێن خوە کرنە و دبێژە، ئەو ب وێ ژی راناوەستن و دێ پەنا ببن بۆ کۆمکرنا ھەلوەستا عەرەبی ب رێیا کۆمکارا عەرەبی و ھەلوەستا وەلاتێن ئیسلامی ب رێیا رێخستنا ھەڤکاریا ئیسلامی و “دبە ژی ل نەتەوێن یەکگرتی و ئەنجوومەنا ئاسایشا ناڤدەولەتی گلی ل دژی ترکیێ تۆمار بکن.”
