ئێریشێن ترکیێ ل ناڤچەیا دێرەلۆکێ دژوار بوونە

 ئێریشێن دەولەتا ترکیێ ل سەر باشوورێ کوردستانێ دژوار بوونە و ئیرۆ چیایێن ناڤچەیا دێرەلۆکێ ھاتن بۆمبە کرن.

چاڤکانیێن پێگەھا «دارکا مازی» ل باشوورێ کوردستانێ ئەشکەرە کرن، ئیرۆ رۆژا ئینی 3/7/2020ان بالەفرێن دەولەتا ترکیێ، د تەعقیبا حەرەکەتێن پەکەکێ دە، ناڤچەیا دێرەلۆک بۆمبە کر.

ھەروھا دەست نیشان کر، بالەفران د تەعقیبا حەرەکەتێن پەکەکێ دە، ل ساعەت 10:40 ھەیا 11:00 چار مۆشەک ل «دەرەجا ھێتیتێ» ل چیایێ «لینکی» دانە، ئەڤ چیا دکەڤە ئاقارێ گوندێ ھێتیتا کەڤن ل ناڤچەیا دێرەلۆکێ.

ل گۆر دیمەنێن کو ژ بۆ پێگەھا مە ھاتنە شاندن، دۆمانەکە پر ل جیێ ئێریشان ل سەرێ چیایێ «لینکی» بەرز بوویە. دەولەتا ترکیێ ل 15 ی مەھا رابووری ئێریشا سەر باشوورێ ولات ل دژی پارتییا کارکەرێن کوردستانێ دەست پێ کر بوو، ژ وێ دەمێ ڤە رۆژانە گوند و ناڤچەیێن باشوور، ب تایبەت ل سینۆرێ پارێزگەھا دھۆکێ تێن ھەدەف کرن، گەلێ ناڤچەیێ ژ نێزیبوونا پەکەکێ ژ بۆ گوندان دلگرانن و ئەو دخوازن پەکەکە خوە ژ گوندێن وان دوەر بکە ژ بۆ کو نەبن مەیدانا شەر.