هات رگھاندن کو لڤ و تەڤگەرا ھێزێن ئاسیمانی یێن ھندستانێ یێن ل بارەگەھا ئاسیمانی یا ل ناڤچەیا لاداخا کو ب چینێ را پەڤچوون دەرکەت، زێدە بوویە.
پشتی کو ئەسکەرێن چینێ سەرێ مەھا گولانێ ژ سێ ئالیان ڤە کەتبوون ھەرێما لاداخێ و ل ڤێ دەرێ کۆن هلدابوون و قەرەقۆلێن عەسکەری ئاڤا کربوون دناڤبەرا لەشکەرێن هندوستانێ و چینێ ئالۆزی و پەڤچوون دەرکەتن هۆلێ، و ل ١٥ێ خەزیرانێ ب سەدەما شەر و کوشتنا ٢٠ ئەسکەرێن ھندوستانێ ب دەستێ لەشکەرێن چینێ ل لاداخیا ئەڤ ئالۆزی زێدەتر بوون.
ل گۆری نووچەیا کەنالێ NDTV، ل بارەگەھا ئاسیمانی یا ل لاداخێ یا ھندستانێ ب فرینێن بالافرێن شەر و بارهلگر و ھەر وھا ھەلیکۆپتەرێن ئێریشێ، لڤ و تەڤگەر زێدە بوویە.
بەرپرسەکێ کو نەخوەست ناڤێ وی وەرە ئەشکەرەکرن، د داخویانیەکێ دە ژ بۆ چاپەمەنیێ دیار کر کو ھێزێن ئاسیمانی یێن ھندێ ژ بۆ ئۆپەراسیۆنان و بەرسڤدایینا ھەر جورە دژواریێ ئامادە نە.
تێ زانین کو برێڤەبریا پەکینێ ل سەر ئاخا ٩٠ کیلۆمەترێن دوجا ل ئەیالەتا ئاروچانال پرادەشێ یا ھندستانێ یا کو وەکی “تیبەتا باشوور” ب ناڤ دکە ب خاکا خوە دزانە و دبێژە دەستهلاداریا ل سەر ڤێ ناڤچەیێ حەقێ مە یە، برێڤەبریا نیۆدەلهیا نوو ژی دبێژە کو ب قاسی ٣٨ ھەزار کیلۆمەترێن دوجا کو بەراڤێن ئاکسای تێ دا نە ژ لایێ چینێ ڤە ھاتیە داگیرکرن.
